En bellas culturas s'unen os currins de dos personas que realizan una promesa. Tradicionalment, se consideraba a la promesa como vinculant, y a ideya orichinal yera que a persona que trencaba a promesa heba de tallar-se o currín. D'una traza parellana, entre os miembros d'a yakuza chaponesa (gangsters), o castigo por bellas ofensas ye tallar parti d'as falanches d'o currín (ritual conoixito como yubitsume).
O devantamiento d'o dido chicot puet significar diversas cosas seguntes a cultura d'o país a on que nos trobemos:
- En Chapón, tener devantato o dido chicot mientres se ye parlando sobre dos persones significa que ellas son vinclatas sentimentalment. Iste chesto ye considerato antigo y vulgar, manimenos en bellas escenas anime se i fa servir intencionadament.
- En China, se considera vulgar devantar y amostrar o currín a atra persona d'a mesma traza que en a cultura occidental se chuzga como vulgar u agresivo amostrar o dido meyo.
- En America d'o Norte, levar un aniello en o dido chicot poseye un significato simbolico. O dido chicot ye o dido d'as relacions, y per ixo levar un aniello en él ye sinyal de que un ye ubierto y amoroso.
- En a India, devantar o dido chicot ye un sinyal de "katti" y amistat crebata, un signo de que belún ye carranyato, u una sucherencia en tono de broma que a persona que le amuestra o currín a un no deseya parlar con él.
- ↑ Con as variants gulín y golín
- ↑ Con as variants dido chico, dido chiquet, dit chicot y dedo chiquet
Datos: Q228027
Multimedia: Little fingers / Q228027