Espuéndolas

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Espuéndolas
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Chacetania Chaca
Partiu chudicial	Chaca
Población  • Total	18 hab.
Codigo postal	22700
Chentilicio	espuendolense
Coordenadas	42°33’45’’N 0°25’45’’U
Espuéndolas Espuéndolas en Aragón

Espuéndolas ye un lugar aragonés en o termin municipal de Chaca, comarca de Chacetania y partiu chudicial de Chaca, en a provincia de Uesca. A suya población ye de 24 habitants.

Toponimia

Ye un derivato d'o latín SPONDULA, con diminutivo -ULA dezaga d'a parabra latina Sponda, palabra que en aragonés ha dau espuenda, espuenna (en belsetán, y documentau tamién como elemento en romance aragonés en textos latinos), espuena (en aragonés chistabín y aragonés benasqués) y que significa "pendient entre dos faixas", "materials en pendient que deixa un lurte", "marguin de ribazo, campo u canal". Esta palabra ye relacionada tamién con l'apelliu Esponera bien conoixiu en Íxar.

O nombre ye amanau a lo nombre d'o despoblato d'Espula, en o río Galligo, amán de Sardás.

Cheografía

Amán d'Espuéndolas bi ha afloramientos de flysch a on se fan coladas de bardo y piedras.

Historia

Seguntes Agustín Ubieto Arteta, a primer cita documentada d'o lugar ye en 1020/1030, en a obra d'Antonio Ubieto Arteta Cartulario de San Juan de la Peña, I, en Textos Medievales, 6, Valencia 1962, y se documentan os nombres de Espuanduras, Espueuolas, Espuda, Spondelas, Sponolas y Spondras.

Molimentos

• Ilesia d'os Santos Chusto y Pastor d'Espuéndolas, una ilesia d'o sieglo XVIII adedicada a los Santos Chusto y Pastor. Ye la ilesia parroquial d'o lugar.