Binaceit

Binazeit (Vinaceite en castellán) ye un municipio de la provincia de Teruel, situato en la comarca de lo Baixo Martín. La suya población ye de 332 habitants (2007), en una superficie de 50,1 km² y una densidat de población de 6,63 hab/km².

Cheografía

Ye situato en la marguin dreita de lo río Aguas sobre una espuenda. Lugar con forma de meya luna.

Mugas

		Almochuel
Belchit		Almochuel
	Íxar	La Puebla d'Íxar

Historia

La primera mención de lo lugar ye de 1177 quan en un texto amaneix lo nombre d'un habitant de Codo se deciba Xenen de Binizaet. En la Baixa Edat Meya yera un lugar de mayoría musulmana .

Toponimia

En los textos meyevals s'escribiba Vinaceit, la forma actual sin -t ye més tardana.

La forma Vinacey la trobamos en textos de lo proceso chudicial por la succesión de lo segundo duque de Íxar Juan Francisco Cristóbal Luis Fernández de Híjar y Fernández de Heredia, en lo que bells habitants d'Íxar escribioron:

Esta Villa de Ixar tiene sus terminos propios que lindan con los términos de Alcañiz, Andorra, Albalate, Lécera, Belchit, Vinacey, Romana, Azaila y Samper y dentro de los términos de Ixar han estado y están situados y construidos los lugares de Urrea de Gaén y la Puebla de Íxar, los cuales no han tenido ni tienen términos propios sino que han confrontado, confrontan, con los dichos términos de la Villa de Íxar.

Quan en 1775 l'arquitecto Agustín Sanz entró a fer part de la Real Academia de San Fernando de Madrid presentó pa la suya gracuación un plano de la Iglesia de Binacey en Aragón, con lo que podemos veyer una tendencia recient a la perduga de la consonant final.

En lo sieglo XX la chent viella de lo Baixo Martín ha conservato esta variant d'este nombre sin t final Binazai (o diftongo ai ye una derivación de ei que suena cuasi ai, como la traza de pronunciar lei, rai, sais, paine ecetra en castellán d'Aragón). Esta forma Binazai huei encara la fan servir los chovens, pero només en sentito ironico.

Apellitos

L'apellito tipico d'este lugar ye Pequerul, probable derivato de lo catalán Pecorull. Tamién ye present l'apellito Bielsa.

Molimentos

Molimentos relichiosos

• Ilesia d'o sieglo XVIII de San Chuan Batista.

Veyer tamién

• Lista de municipios de Teruel

Referencias

Demelsa Ortiz Cruz. APROXIMACIÓN AL ESTUDIO TOPONÍMICO DE ALGUNOS LUGARES ARAGONESES DE LA CASA DE HÍJAR. Cuadernos del Ducado de Híjar, 1. 2008.