Armiellas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Armiellas Armillas
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Cuencas Meneras Vivel (Teruel)
Partiu chudicial	Calamocha
Población  • Total	71 hab. (2017)
Altaria  • Meyana	1.156 m.
Distancia  • 84 km	enta Teruel
Codigo postal	44742
Parroquial  • Diocesi  • Arcipestrau  • Parroquia	Teruel y Albarracín Mont Albán Sant Chuan Baptista
Coordenadas	40°53’48’’N 0°53’16’’U
Armiellas Armiellas en Aragón

Armiellas (Armillas en castellano) ye un lugar de las Cuencas Meneras (Teruel, Aragón), perteneixient a lo municipio de Vivel. En l'anyo 2017 teneba 71 habitadors.

Cheografía

Armiellas se troba en la sierra de Mont Albán a 1156 m d'altaria sobre lo livel d'a mar en la part de lo termin municipal de Vivel que bi ha entre Martín y La Foz de la Viella.

Toponimia

Lo toponimo Armiellas se podría remontar a lo latín tardano EREMITA con diminitivo -ĔLLA igual como Armilla en Granada y un atro toponimo que ha estau documentau como Armidilla.

S'escribe Armellas en un texto de 1212, a on se latiniza bel toponimo. La forma Armiellas se conoixe porque sale en la versión romance de lo Fuero de Teruel:

por la sierra asuso entro a la Can[n]ada de Armiellas, et ixe a la Sierra de Alcofol et al Cabeço del Pozuelo.

S'escribe Armiallas una vegada en las Cronicas de los Chueces de Teruel, fendo referencia a un chuez que i heba en Teruel en l'anyo 1203 (s'escribe Armiellas en las atras mencions):

anno M° cciiij°, Don Pedro de Armiallas, fué preso / Ruujellos de los moros°.

En lo Fogache de 1495 se documenta l'apelliu d'Armiellas en Burbaguena. João Batista Labanha menciona un microtoponimo intresant en Armiellas en lo suyo recorriu: cerro del pueyo, que está de armillas, y talment corresponda con l'actual Cerro del Royo u Cabezo del Poyo que bi ha entre Segura de los Banyos y Armiellas y que figura en la fuella 492 Segura de los Baños de la serie Mapa Topográfico Nacional de España publicada en 1977.

Historia

En o sieglo XIV feba part d'a seixma d'el río Martín, adintro d'a comunidat d'aldeyas de Teruel.

Puestos d'intrés

• Ilesia de Sant Chuan Baptista.
• Ermita de Sant Remón.
• Salinar.

Fiestas

Primer cabo de semana d'agosto, dendo o chueves dica o domingo.

Referencias

Lugars d'o municipio de Vivel
Poblaus: Armiellas | Vivel Medievals: Penya d'el Cit

• Datos: Q13048418