Lugar viello de Belchit

De Biquipedia
Ir a la navegación Ir a la búsqueda
O lugar viello de Belchit, Aragón.

O lugar viello de Belchit yera l'asentamiento orichinal d'a localidat aragonesa de Belchit dica que estió destruyíu en o transcurso d'a Batalla de Belchit y en as anyadas posteriors de completo abandono.

Historia[editar | editar código]

Ilesia de Sant Agostín.

Dimpués d'o golpe militar de 1936, o lugar ye preso per tropas franquistas que aturan a lo suyo alcalde democratico y afusilan a bellas 200 personas no afíns a lo nuevo rechimen. Bells 3000 soldaus ocupan Belchit. O gubierno d'a Republica Espanyola desliga un ataque pa recuperar a población que se convirtió en a clamada Batalla de Belchit que se libró dentre lo 24 d'agosto y lo 6 de setiembre de 1936. En marzo de 1938 succede la segunda Batalla de Belchit quan l'exercito franquista recupera la plaza a la Republica. S'estima que murioron bellas 6000 personas en o transcurso de totas dos batallas, gran parti d'ellas civils. En acabar a guerra en 1939 una parti d'os vecins tornan a las suyas casas. Tot y con a destrucción, encara yera posible reconstruyir o lugar. Manimenos, o dictador espanyol Francisco Franco decidió conservar as restas como propaganda d'o rechimen debant d'o que consideraban os estricallos causaus per a "barbarie roya". A construcción d'o nuevo lugar, devantau tasament a 500 metros de distancia d'o viello, se levo a cabo con man d'obra esclava procedent d'os prisioneros politicos d'o campo de concentración denominau popularment como "chiqueta Rusia". En 1950 o lugar nuevo estió oficialment inagurau per o propio Francisco Franco. Manimenos, en realidat, encara no yera rematau asinas que bellas 120 familias siguioron vivindo encara dentre las enruenas d'o lugar viello dica que en 1964 estió finalment rematau lo lugar nuevo. O desaloixo d'o lugar viello se produció per parti d'a Guardia Civil que obligo a los vecins a abandonar as suyas casas. O lugar viello de Belchit ye, a partir de 1964, abandonau a la suya suerte y per a desiria d'as administracions publicas ye victima de freqüents espolios y actos vandalicos. En 2002 o lugar viello de Belchit ye declarau Bien d'Intrés Cultural per o Gubierno d'Aragón. Finalment, en 2013, dimpués de quasi meyo sieglo d'abandono, se zarra l'acceso libre a lo lugar y se fan visitas guiadas.

Descripción[editar | editar código]

O lugar se vertebraba arredol d'a carrera Mayor. En ella se concentraban os comercios y botigas mas importants. Quantas plazas s'ubriban en o casco urbano pleno de callizos y chiquetas carreras: a plaza d'o Convento, a plaza nueva, a plaza viella, a plaza de l'ilesia, plaza de Sant Salvador y la plaza d'o Ferial. A gran parti d'as casas d'a carrera Mayor perteneixeban a familias acomodadas y teneban quatro plantas d'altaria y zilleros subterranios que se comunicaban entre ell per meyo de túnels. En a Edat Meya Belchit yera un lugar amurallau que dica lo sieglo XIX conservaba tres puertas d'acceso: l'arco d'a Villa, l'arco de Sant Roc y l'arco de Sant Miguel.

Arco d'a villa.

A Casa d'a Villa se trobaba en a plaza nueva chunto a una casa denominada "Casa Domi". O vico antigo de Belchit s'articulaba arredol d'a plaza de Sant Salvador.

Restas d'a fuent en a plaza nueva.

Puestos d'intrés[editar | editar código]

  • Ilesia de Sant Martín de Tours.
  • Arco d'a Villa.
  • Torrión d'o Reloch, l'antigo campanal d'a ilesia de Sant Chuan.
  • Ilesia de Sant Agostín.
  • Arco de Sant Roc.
  • Convento de Sant Rafel.

En cultura popular[editar | editar código]

Belchit ha amaneixiu en numbrosas cintas y series de televisión como eszenario y protagonista d'as mesmas.

Cintas[editar | editar código]

  • The Adventures of Baron Munchausen (1988).
  • Ella está enfadada (1995).
  • La mirada oblicua (2000).
  • Extranjeros de sí mismos (2000).
  • Jinetes en la tormenta (2001).
  • Buen viaje, Excelencia (2003).
  • El otro lado (2004).
  • El laberinto del fauno (2005).
  • Mundo Perro (2007).
  • El expediente Belchite (2013).

Series de televisión[editar | editar código]

  • Mecanoscrit del segon origen (1985).
  • Vaya día (1995).

Bibliografía[editar | editar código]

Se veiga tamién[editar | editar código]