Inundación
Una inundación[1] ye seguntes a directiva d'a UE como una cubierta temporal d'augua d'una superficie que por un regular no ye cubierta por l'augua.[2] A sobén se producen por o desbordamiento d'una extensión d'augua marina u continental que aumenta de volumen y livel sumerchindo o terreno, pero tamién se producen inundacions rapidas on no bi heba una extensión d'augua simplament por fuertes plevias.
Encara que as inundacions han estato comuns d'entre historia, bel cientifico asegura que recientment s'han incrementato, primero a causa d'a modificación d'o curso normal de ríos y torrents, por as actividaz urbanisticas humanas (ciudaz y carreteras), y, segundo por o cambio climatico.
As inundacions pueden producir-se en as marguins d'os cauces d'auguas continentals y en as costas. As inundacions dentro de cauces d'auguas continentals se dicen "creixidas" u "aguaduitos", y s'han de diferenciar diferents tipos de creixidas seguntes sigan en ríos (riadas), barrancos (barrancadas), garonas (garonadas), etcetera. Os mayencos tamién pueden producir inundacions. Una inundación rapida se diz barrancada.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Directiva 2007/60/EC Capítol 1 Articlo2
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre as inundacions.
