Cul (anatomía)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O cul[1] (d'o latín < CULUS)[2] ye constituito principalment por os tres musclos glútios (glútio mayor, glútio meyo y glútio menor), os cuals sirven como elevación y el sostenimiento d'a pelvis, a extensión, l'abducción y a rotación d'o fémur y l'abducción y a rotación d'a cuixa.
En o ser humano, ye a parti inferoposterior d'o tronco sobre a cual descansa o cuerpo cuan ye posato. Ye formato por a piel, o teixito adiposo subcutanio, l'aponeurosi glútia y os musclos: glútio mayor (en os humans, s'ha ido desembolicando mas por l'adopción d'o bipedismo), glútio meyo y glútio menor. En os animals, zona carnosa que rodía l'ano.
A esteatopichia u acumulación de graixa en o cul, se considera una caracteristica adaptativa primitiva muit estendillata en a prehistoria y encara ye un rasgo present en bellas poblacions humanas.
Denominacions populars
[editar | modificar o codigo]I hai una gran variedat de parolas emplegadas popularment pa referir-se a lo cul (u en cualques casos a l'ano) en aragonés. Estes son cualques eixemplos: boforón, bufes, bufete, bufatera, bufera, foforón, forón, focillón, tafanario[3].
Ditos y mazadas
[editar | modificar o codigo]- «el que no tiene qué fer con o culo caza moscas»
- «o culo no tiene narices»
- «por a boca, ni gota; por o culo, un cubo»
- «no t'acofles en o duro si quiers tener bien o culo»[4]
Referencias
[editar | modificar o codigo]- ↑ (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.210
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.428
- ↑ (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.263
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||
