Ir al contenido

Corz de Monzón (1435-1436)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Corz de Monzón
1435-1436
Carrera de Monzón
Información cheneral
Puesto Ilesia de Sant Chuan
Ciudat Monzón
Monarca Alifonso V d'Aragón
Preside María Trastamara
Principals temas
- Guerra en Italia
Corz Chenerals
Anteriors Posteriors
Monzón 1388-1389 Fraga 1460
Corz d'o Reino d'Aragón
Anteriors Posteriors
Val de Robres 1429 Alcanyiz 1436
Corz Catalanas
Anteriors Posteriors
Barcelona 1431 Barcelona 1436
Corz d'o Reino de Valencia
Anteriors Posteriors
Traiguera-Sant Mateu 1429 Moriella 1436
Mapa
Situación en Aragón

As Corz de Monzón de 1435-1436 estioron unas Corz Chenerals d'Aragón que fuoron convocadas por a reina María, como lugartenient cheneral d'Aragón, Valencia, Catalunya y Mallorca, o día 15 d'octubre de 1435 dende a ciudat de Zaragoza, pa reunir-se en Monzón o 15 de noviembre, pero fuoron posposadas dica o 25 de noviembre.[1][2]

Istas corz fuoron convocadas por a reina pa fer frent a lo rescate requiesto por os chenoveses pa liberar a lo rei Alifonso V d'Aragón, que en o setio a Gayeta fue venciu y feito preso chunto con os infants Chuan y Henrique y buena parti d'a nobleza aragonesa y catalana en a batalla de Ponza, lo 5 d'agosto, contra una flota conchunta d'o ducau de Milán, lo Papato y los reis anchevins de Nápols.[3][4]

Cuan prencipian as corz, lo rei ya ye liberau, dimpués de sinyar con Filippo Maria Visconti, duque de Milán, en octubre de 1435, un tractau, en o que se repartiban a hechemonía en Italia.[3] Manimenos, la reina contina con as corz, y o 15 d'aviento presenta la proposición reyal, debant d'as corz chenerals d'a Corona d'Aragón.[1][2][5]

Y a reina a 15 d'aviento, en a ilesia de Sant Chuan [de Monzón], estando en o suyo soli reyal en presencia d'o chusticia d'Aragón, asentau a los piez d'a reina, chunto con o rechent d'a cancelleria, estando los aragoneses y valencianos en a parti dreita y los catalans y mallorquins en l'atra parti; proposó las causas d'haber-los convocau a corz chenerals, estando los asuntos d'istos reinos con muito de conflicto y turbación, y exposaus a un gran periglo.

Posteriorment, o rei ninvía a lo suyo chirmán Chuan, como lugartenient cheneral d'Aragón, Valencia y Mallorca, deixando a la reina María, a lugartenencia cheneral de Catalunya.[7] O infant Chuan, presidindo as corz, aconsigue una aduya de 100.000 florins d'a representación catalana, destinada a armar naus y galeras pa continar con o esfuerzo belico en Italia, y 10.000 libras d'a representación valenciana.[8] O 31 de marzo de 1436 disuelven as corz, y anuncia la convocatoria de corz particulars en cadagún d'os territorios peninsulars,[2][9][10], celebrando-se corz aragonesas en Alcanyiz, catalanas en Tortosa y valencianas en Moriella.

Corz d'Aragón

[editar | modificar o codigo]

Fuoron convocadas a corz as ciudaz de Uesca, Tarazona, Calatayú, Daroca, Teruel, Albarracín, Chaca y Balbastro, as villas d'Alcanyiz, Mont Albán, Monzón, L'Aínsa, Tamarit de Litera, Taust, Exeya, Sarinyena, Sos, Sadaba, Alagón, Uncastiello, Fraga y Sant Istevan de Litera y as comunidaz d'aldeyas de Calatayú, Daroca y Teruel.

Referencias

[editar | modificar o codigo]
  1. ↑ 1,0 1,1 Muñoz Pomer 2008: p. 46.
  2. ↑ 2,0 2,1 2,2 Dánvila y Collado: p. 350.
  3. ↑ 3,0 3,1 Salrach 1981: p. 832.
  4. ↑ Romeu Alfaro 1989: p. 29.
  5. ↑ Montesa 1863: VII, p. 86.
  6. ↑ Zurita 2003.
  7. ↑ Montesa 1863: VII, p. 87.
  8. ↑ Muñoz Pomer 2005: p. 227.
  9. ↑ Sánchez de Movellán 2004: p. 87.
  10. ↑ Montesa 1862: V, pp. 296-297.

Vinclos externos

[editar | modificar o codigo]

Predecesor:
Corz de Monzón (1388-1389) 		Corz Chenerals d'Aragón
Corz de Monzón (1435-1436) 		Succesor:
Corz de Fraga (1460)
Predecesor:
Corz de Val de Robres (1429) 		Corz d'o Reino d'Aragón
Corz de Monzón (1435-1436) 		Succesor:
Corz d'Alcanyiz (1436)
Predecesor:
Corz de Barcelona (1431) 		Corz Catalanas
Corz de Monzón (1435-1436) 		Succesor:
Corz de Barcelona (1436)
Predecesor:
Corz de Traiguera-Sant Mateu (1429) 		Corz d'o Reino de Valencia
Corz de Monzón (1435-1436) 		Succesor:
Corz de Moriella (1436)


Obteniu de "https://an.wikipedia.org/w/index.php?title=Corz_de_Monzón_(1435-1436)&oldid=2192351"