Corz d'o Reino de Valencia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Corz d'o Reino de Valencia Corts forals valencianes
Sala de Corz d'o Palacio d'a Cheneralidat
Información d'o Parlamento
Establito	1238
Disolución	1707
Churisdicción	Reino de Valencia
Seu	Diferents ciudaz d'os reinos de Valencia y Aragón

As Corz d'o Reino de Valencia (en valenciano Corts forals valencianes) yeran l'asamblea representativa d'os tres braços d'o Reino de Valencia —eclesiastico, militar u nobiliario, y reyal— de conchunta con o rei, a qui correspondeba convocar-las, fixando lo puesto y calendata de celebración. En primerías a suya finalidat yera atender a lo «buen estamento y reforma d'o reino» como afirmó Chaime II en 1301-1302, pero dende meyaus d'o sieglo XIV la suya función prioritaria estió atender a las necesidatz de fondos extraordinarios d'a monarquía pa fer frent a lo cronico deficit d'a ficienda real.

A diferencia d'as Corz de Castiella d'a Edat Moderna, que funcionaban solament como organo consultivo, as Corz d'o Reino de Valencia, como las d'o Prencipau de Catalunya y las d'o Reino d'Aragón, yeran un organo normativo, ya que los suyos alcuerdos teneban fuerza de lei, en o sentiu de contracto que lo rei no podeba revocar. Ixa forma d'entender las relacions entre la Corona y os suyos vasallos s'ha denominau pactismo.

Se veiga tamién

• Corz Chenerals d'Aragón
• Corz d'o Reino d'Aragón
• Corz Catalanas

• Datos: Q8351224