Cella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre Cella que ye un municipio teruelano en la comarca de la Comunidat de Teruel. Pa la cella de lo uello se veiga cella (anatomía).

Cella
Municipio d'Aragón
Pozo artesiano de Cella
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	124,7 km²
Población  • Total	2644 hab. (2013)
Altaria  • Meyana	1020 m.
Distancia  • 21 km	enta Teruel
Alcalde	Carmen Pobo Sánchez
Codigo postal	44370
Parroquial  • Diocesi  • Arcipestrau  • Parroquia	Teruel y Albarracín Albarracín Immaculada Concepción
Coordenadas	40°27’ 0’’N 1°16’59’’U
Cella Cella en Aragón
Web oficial

Cella ye un municipio de la provincia de Teruel, situau en la comarca de la Comunidat de Teruel. La suya población ye de 2818 habitants (2014), en una superficie de 124,7 km² y una densidat de población de 22,6 hab/km².

Cheografía

Ye situau en la fuesa de Xiloca, que fa part de la depresión de Calatayú-Teruel. Ye en lo cabalto de la val de Xiloca. Este río prene augua contina en un naixedero situau en lo mesmo Cella; este naixedero ye lo pozo artesiano mas gran d'Europa.

Actualment ye en l'aria d'influencia de Teruel, pero entre los sieglos XIV y XVI yera muito mas important y la capital d'una comarca dita Río de Cella.

Mugas

Lo suyo termin municipal muga con Albarracín, con Santa Olalia, con Villar Cremato, con Celadas, con Teruel y con un apéndiz u de lo termin d'Albarracín u manga correspondient a Las Casiellas de Bezas.

Toponimia

Lo toponimo Cella se relaciona con l'arabe Sahla u "plana".

En cualques textos de los primers tiempos de la conquiesta cristiana escritos en latín medieval se leye como Celfa, como tamién se puet leyer en lo "Poema de Mio Cid" y que puet considerar-se una metatesi (l'adaptación lochica de l'arabe -hl- ye -fl-). Manimenos esta variant Celfa coexiste con atras variants graficas u foneticas como Çehla, Zehla, Cega, Cegla, Çecla, Celha, Celle en los textos latinos.

Cella no ha teniu denominación estable en aragonés medieval. En lo sieglo XV un escriba teruelano encara escribiba Zelha, lo cual encara que pareixca un occitanismo grafico, ye mas probable que siga una traza de remerar la -f- de Zelfa/Zefla. La forma Cella s'explica igual que lo lugar teruelano Sollavientos < Soplavientos y lo castellano Chillar < Sif(i)lare. Los grupos -pl- y -fl- pueden evolucionar ta -ll- en luengas como castellano. En lo termin municipal de Pamplona bi ha un microtoponimo equivalent en orichen y evolución Acella, a on que bi ha un despoblau.

Historia

Estió reconquerida a los musulmans per as tropas d'o reino d'Aragón comandadas per Alifonso I d'Aragón en 1128. En la baixa Edat Meya Cella yera una aldeya de la Sexma d'el Campo de Cella adintro de la Comunidat d'aldeyas de Teruel. Fació part tamién de la sobrecullida de Teruel en 1446 y de la de Mont Albán en 1488-1495.

Apellius

Un de los apellius mas comuns en Cella ye Bujeda, que en la Edat Meya yera Buxeda y fa referencia a lo buixo.

Demografía

Evolución demografica

1992 1994 1996 1997 1998 1999 2000 2001 2002 - - - - 2.953 2.913 2.897 2.890 2.864

2003 2004 2005 2006 2007 2008 2009 2010 2011 2.805 2.816 2.896 2.935 3.002 3.122 3.112 2.951 2.905

2012 2013 2014 2015 2016 2017 2018 2019 2020 2.878 2.886 2.818 2.776 2.673 2.640 2.606 2.574 2.571

2021 2022 2023 2024 2025 2026 2027 2028 - 2.578 2.611 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									6
Partido de los Socialistas de Aragón									5
Total									11

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999	María del Carmen Pobo Sánchez	Partido Popular
1999–2003	María del Carmen Pobo Sánchez	Partido Popular
2003–2007	María del Carmen Pobo Sánchez	Partido Popular
2007–2011	María del Carmen Pobo Sánchez	Partido Popular
2015–2019
2019–2023
2023–2027	Santiago Gómez Lanzuela (dica 2023)	Partido Popular

Molimentos

La edificación arredol de lo pozo artesiano, dita Fuente de Cella.

Esporte

Lo fútbol ye representau por lo Club Deportivo Cella que participa en divisions rechionals aragonesas.

Fiestas

• Sant Sabastián, 21 de chinero.
• Santa Rosina, 15 de mayo.
• 15 d'agosto.

Curiosidaz

En l'aria d'influencia de Teruel los cellanos tienen fama de brutos, y, como con los d'Almudévar u Lepe, se fan chistes con cellanos.

Vinclos externos

• www.cella.es, pachina web oficial.
• Vocabulario cellano.
• Etimolochía de Cella.

Referencias

Lugars d'o municipio de Cella
Cella | Villar d'el Salz

Lugars desapareixius d'o municipio de Cella
Abuán

• Datos: Q1651638
• Multimedia: Cella, Spain / Q1651638