Beguiellas d'El Cuervo

De Biquipedia
Ir a la navegación Ir a la búsqueda
Beguiellas d'El Cuervo
Municipio d'Aragón
Anvista de Beguiellas d'El Cuervo
Anvista de Beguiellas d'El Cuervo
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Comunidat de Teruel
Superficie 13,49 km²
Población
 • Total

19 hab. (2016)
Altaria 1270 m.
Distancia
 • 55 km

enta Teruel
Codigo postal 44134
Coordenatas 40° 9’ 0’’N 1°24’ 0’’U
Beguiellas d'El Cuervo en Aragón
Beguiellas d'El Cuervo
Beguiellas d'El Cuervo
Situación de Beguiellas d'El Cuervo en Aragón

Beguiellas d'El Cuervo (Veguillas de la Sierra oficialment en castellán) ye un municipio de la provincia de Teruel, situau en la comarca de la Comunidat de Teruel. La suya población ye de 22 habitants (2015), en una superficie de 13,49 km² y una densidat d'1,68 hab/km².

Toponimia[editar | editar código]

Lo toponimo Beguiellas ye una forma diminutiva de bega ("ribera") con lo sufixo -iella. No se'n conoixe mencions en aragonés medieval por haber teniu poca importancia como simple barrio u pedanía de Lo Cuervo en la baixa Edat Meya. Muit cerca d'esta localidat pero en Castiella bi heba en lo sieglo XV una localidat conoixida como Las Veguiellas a on que se trobaba lo Castiello de las Veguiellas pa controlar la muga con Aragón.

D'acuerdo con Antonio Ubieto Arteta las diferents denominacions d'este antigo barrio de Lo Cuervo han estau Las Veguillas en fuents de 1510 y de 1781-1782, Veguillas del Cuervo en 1834 (por haber perteneixiu a esta localidat), Veguillas dende 1857 dica 1910, y dende 1920 Veguillas de la Sierra[1]. Se conoixe la denominación Veguillas del Cuervo en atras fuents correspondients a atros anyos. En 1618 Sebastián de Utienes enumeraba las ermitas de Lo Cuervo y feba mención de la masada llamada la Veguilla del Cuerbo[2]. L'apelativo de la Sierra obedeixe a la necesitat de diferenciar esta localidat d'atras Veguillas que bi ha en Espanya, por eixemplo Las Veguillas en la provincia de Salamanca, y encara que la suya introducción ye tardana se troba en la tradición toponimica aragonesa (Almonecir de la Sierra, Camarena de la Sierra, Miravet de la Sierra, Villarroya de la Sierra y Viver de la Sierra, en lo Sistema Iberico u los suyos semontanos).

Como microtoponimos intresants tenemos Castiblanques, El lomatón (con infixo -at-), Los Calarizos, Umbría del Saz, Solana del Tollo, Fuente del Saz y Las Nogueras.

Cheografía[editar | editar código]

Ye situau a lo sud de la Sierra de Chabalón.

Mugas[editar | editar código]

Lo suyo termin municipal muga con Alobras, Lo Cuervo, Castiel Fabib y Salvacanyet.

Historia[editar | editar código]

Beguiellas d'El Cuervo yera un corro de masadas que dica lo sieglo XVIII perteneixeban a Lo Cuervo, por lo que yeran en lo Cuartillejo del Cuervo y en lo Condato de Fuents. Bi heba una ilesia dedicada a la Santisma Trinidat y lo retor de Lo Cuervo pasaba a decir misa a Beguiellas por depender-ne eclesiasticament.

En lo sieglo XVIII Beguiellas consiguió tener parroquia propia y s'independizar-se de Lo Cuervo. Encara en 1782-1782 s'escribiba Censos de las iglesias de Cuervo y Veguillas. Estió de lo Partiu chudicial d'Albarrazín dica 1965, quan s'incorporó a lo Partiu chudicial de Teruel.

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido Aragonés 1
Total 1

Fiestas[editar | editar código]

Referencias[editar | editar código]

  1. (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1331.
  2. (es) César Tomás Laguía: Las iglesias de la diócesis de Albarracín, Revista Teruel, nº 32, 1964, pp. 113-115.

Vinclos externos[editar | editar código]


 
Municipios d'a comarca Comunidat de Teruel
Aguatón | Aguilar d'Alfambra | Alava | Alfambra | Almofalla | Alobras | Alpenyés | Archent | Beguiellas d'El Cuervo | Bellestar | Camanyas | Camariellas | Canyada Vellida | Cascant | Cedriellas | Celadas | Cella | Corbalán | Cubla | Lo Cuervo | Escoriuela | Cuevas Labradas | Exorcas | Fababuix | Fuents Calients | Galv | Libros | Lidón | Mont Agut | Orrios | Pancrudo | Peralellos | Perals | Lo Pobo | Riello | Río Deva | Santa Olalia | Teruel | Tormón | Torre la Cárcel | Torremocha de Xiloca | Tramacastiel | Valacroch | Villar Cremato | Villel | Visiedo