Despoblau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Belchit, estió albandonau dimpués d'a Guerra Civil

La Cort de Tricas, eixemplo d'un lugar albandonau por a construcción d'un entibo

Un despoblau (u despoblato) ye una ciutat, lugar u villa que ha estau albandonau por os suyos habitants y encara se'n pueden veyer as restas substancials. Una ciudat se converte en un despoblau porque a suya economía ha fallau u a causa de desastres naturals u accions humanas, como inundacions, decisions d'o gubierno, guerras u desastres nucleyars.

Historicament, cal destacar l'aumento d'a despoblación en o sieglo XVII en Aragón debiu a l'expulsión d'os moriscos en 1610. En as val de Xalón, Xiloca, Uerba, Queiles, Aguas, Martín, Guadalop y Matarranya bi habió 60.818 expulsions, lo que fació que muitos lugars quedasen despoblaus.

En o País Valenciano, muitos lugars de moriscos quedoron despoblaus dimpués de l'anyo 1609, como por eixemplo, Alqueria de Serra, l'Andénia u Xinquer. Asinas en 1638, d'os cuatrocientos cincuanta y tres lugars que heban ocupau os moriscos, doscientos cinco yeran albandonaus.

A vegadas, o termin despoblau s'utiliza pa referir-se a entidaz encara habitadas, pero significativament menos que mientres os anyos pasaus.

Bibliografía

• (es) El problema de la despoblación en Aragón. Causas, características y perspectivas. María Isabel Ayuda Bosque, Vicente José Pinilla Navarro, Luis Antonio Sáez Pérez. Revista de Demografía Histórica-Journal of Iberoamerican Population Studies, ISSN 1696-702X, ISSN-e 2696-4325, Vol. 18, Nº 1, 2000, pach. 137-173

Vinclos externos

• Se veigan as imáchens de Commons sobre despoblaus.
• (es) Blog www.despobladosenhuesca.com
• (es) GEA Pueblos abandonados