Vall Fosca
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Vall Fosca | |
|---|---|
 | |
| Administración | |
| Estau | |
| País |  Catalunya
|
| Comarca | Pallars Chusán |
| ' | |
| ' | |
| Cabecera | {{{cabecera}}} |
| Capital | |
| Localidaz | {{{localidatz}}} |
| Chentilicio | {{{chentilicio}}} |
| Cheolochía | |
| Acceso | |
| Ríos | Río Flamisell |
| Largaria | |
| Orientación | Norte-Sud |
| Cheolochía | |
| Tipo | |
| Macizo | Pireneus |
| Mapa | |
  | |
La vall Fosca propiament dita ye una val pirenenca de formación glacial por a on discurre lo río Flamisell y situada en la parte norte de la comarca de lo Pallars Chusano. En un sentiu estricto, a vall Fosca ye la val d'o río Flamisell antes d'achuntar-se con o río Bòssia en Senterada, pero por motivos socials y culturals, as vals de Manyanet y de Perves y toda la cuenca de l'afluent río Bòssia bella vez tamién s'incluye en a denominación Vall Fosca, por lo cual o toponimo tiene un emplego ambigo.
Cheografía
Se tracta d'una val norte→sud. En a suya parte norte bi ha mes de vente estanys (ibons) por d'encima de os 2500 metros d'alto, y beluns d'ellos son aprofitaus pa producir enerchía hidroelectrica. Fue una d'as primeras vals de tot lo Pireneu an se fizon centrals hidroelectricas.
A suya cabecera ye deseparada contra la val de Boí por a montanya d'El Paiasso (u Paiàs). Por l'este, o Montsent de Pallars la desepara contra la cuenca d'a Noguera Pallaresa. Por l'ueste, la Serra de la Pala y a Serra de l'Aire a deseparan contra la vecina val de Manyanet.
En a parte alta bi ha tres valletas secundarias, Riqüerna, Filià y Barranc d'Estany Gento. En o lugar de la Torre de Cabdella s'achunta los barrancos d'estas tres vals y forman lo río Flamisell, que correrá dimpués por o municipio de Senterada enta la Pobla de Segur, a on que s'achunta con a Noguera Pallaresa.
En 1914 se i costruyó la primera central hidroelectrica de Pallars.
Lo lugar mes alto de la val ye Cabdella que se troba a 1420 metros d'altaria y que tanca lo conchunto de nuclios rurals que conforman la Vall Fosca: la Pobleta de Bellveí, Estavill, Envall, Antist, Castell-estaó, Beranui, la Plana de Mont-rós, Astell, Oveix, Aguiró, Paüls, Pobellà, Mont-rós, Molinos, la Torre de Cabdella, Aiguabella, Espui y la Central de Capdella.
Toponimia
Recibe lo nombre de Fosca ("escura") a causa de las fuertes costeras de las montanyas que la forman.
Luengas y parlas
Se i charra catalán pallarés pero, a l'igual que en a vecina Alta Ribagorza, bi ha toponimia con una fonetica singular y que puede coincidir con a tipica d'a zona navarro-aragonesa, con uns caracters diferents de lo catalán actual y que se corresponden con una fase arcaica de formación d'o romance y que pueden coincidir con as que se troba en l'aragonés:
- Diftongos en -ie-:
- Sin d'apocopa d'O final atona:
- Creu de Calvo, Montorroio, Xerallo, Paiasso, Tornos, Fitero, etc.
- Sin d'apocopa E final atona:
- Estany Sallente (como Sallent de Galligo)
Tot ixo fa pensar que en lo pasau se i charrase bella cosa mas apareixida con o navarro-aragonés u que bella tendencia lingüistica con epicentro en o que hue ye Aragón plegase mes enta l'este en l'aria de transición con o catalán.
Pirineístas y etnografos como Ramon Violant i Simorra (que yera naixiu d'ista val) han insinuau la esistencia d'un pasau etnico común a tot lo Pirineu central, an se mete as vals de Leida y de Uesca, pos son muitas as semellanzas tanto lingüisticas como mas que mas, culturals, que se puede trobar.