Cuenca de Tremp

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pa o sentiu que se le da a iste toponimo en Cheolochía, se veiga Cuenca de Graus-Tremp.
Envista d'a cuenca de Tremp, con Talarn y Tremp en o centro, y o Montsec d'Ares de fondo.

A cuenca de Tremp (en catalán «Conca de Tremp») ye una subcomarca tradicional d'a comarca catalana de Pallars Chusano, en o norte d'a provincia de Leida, que consiste en una foya u fondonada natural envolicada con sierras que s'estendilla arredol d'o río Noguera Pallaresa, y con a capital d'a comarca oficial, a villa de Tremp, si fa u no fa en o centro.

A esistencia d'accidents cheograficos menors en l'interior d'a foya ha feito que os pallareses, a mas a mas, la haigan trestallau en diferents zonas d'influencia que en dicen a Conca Deçà (en aragonés se traduciría como «cuenca t'acá») con Tremp de cabecera, Conca Dellà (que siginifica «cuenca de dillá»), con o lugar d'Isona como capital oficiosa, y Conca de Dalt («cuenca d'alto» en catalán) arredol de La Pobla de Segur.

Os limites cheograficos d'a cuenca de Tremp son por o norte en as «marrades» («mallos») an que remata las sierras exteriors pirenencas y que deseparan a subcomarca contra o Pallars Sobirano y Alta Ribagorza catalana: os congostos de Collegats sobre a Noguera Pallaresa y d'Erinyà sobre o Flamisell son as puertas d'entrada que i tienen os dos ríos que confluye en a Pobla de Segur. Por o sud, a sierra de Boumort y o Montsec d'Ares la deseparan contra la comarca de La Noguera y la Terreta.

En Salàs de Pallars se feba una feria de ganau cada anyo, que se deixó de fer en os anyos 1970,[1] an que s'aplegaba chent que veniba a comprar y vender abríos dende buen trozo d'o Pireneu central.

Parla[editar | modificar o codigo]

Envista d'a Conca Dellà dende a baixada d'o puerto de Comiols, en o termino de Isona i Conca Dellà.

A parla d'a cuenca de Tremp se considera catalán leridano, si bien i ha bel autor local que ha defensau que pertenece a o dialecto pallarés anque con elementos que la conectan con o leidano,[1] como que i predomina l'articlo masculino plural los (y no pas les, como ye propio de Pallars Sobirano y a Vall Fosca). Atros rasgos d'a parla de lugars que son en o lau oriental de l'extenso termin municipal de Tremp tamién aparenta que lo meterían en posición de contínuo con o catalán ribagorzano. En cualsiquier caso, a situación d'isoglosas fa que a clasificación dialectal d'ista parte de Leida se faiga complicada.[1]

Cosa curiosa, i hai en a parla de Cuenca de Tremp buena cosa de lexico común y compartiu con os dialectos orientals y centrals d'o sistema lingüistico de l'aragonés, con as comarcas aragonesas de Ribagorza, Semontano y Sobrarbe, mas que mas en o que se refiere a o vocabulario de l'agricultura, a ganadería y a casa, vocabulario tradcional que esnaviesa mas t'allá de la raya entre os sistemas lingüisticos d'o catalán y de l'aragonés.

Referencias[editar | modificar o codigo]

  1. 1,0 1,1 1,2 (ca) COLL i MARTÍ, Pep; El parlar del Pallars (2a ed.). Garsineu edicions. Tremp, 2014. ISBN 978-84-941734-6-2

Se veiga tamién[editar | modificar o codigo]