Ramon Violant i Simorra

De Biquipedia
Ir a la navegación Ir a la búsqueda
Ramon Violant i Simorra
R. Violant i Simorra
R. Violant i Simorra
Información personal
Calendata de naixencia 30 de noviembre de 1903
Puesto de naixencia Sarroca de Bellera (Pallars)
Calendata de muerte 23 de chinero de 1956
Edat 52 anyos
Puesto de muerte Barcelona
Ocupación Sastre, etnologo y antropologo
Conchuche Caterina Ribera Trullols
Fillos 2

Ramon Violant i Simorra (Sarroca de Bellera -Pallars-, 30 de noviembre de 1903 - Barcelona, 23 de chinero de 1956) estuvo un etnografo y antropologo catalán que dedicó buena cosa d'obras a la rechión d'os Pireneus, de vez que estió lo director d'o Museo de Industrias y Artes Populares de Barcelona.

Biografía[editar | modificar o codigo]

Naixiu de Sarroca de Bellera, en a Vall Fosca, o 30 de noviembre de 1903, yera fillo de sastre y sastresa. Aprendió l'oficio de sus pais enantes de marchar ta Barcelona, an que s'afincó en 1925. No teneba formación universitaria.

En os anyos 1930 teneba una sastrería en a Ciudat Condal, pero en remataus os bombardeyos de a Guerra Civil a ell y a su muller se les heba zabucau os medios de vida y tamién parte d'a casa. A familia d'ella les aduyó a plantar una mercería con que, a poquet a poquet, tornarían a ganar-se la vida en a postguerra.

Por ixas envueltas, Violant fizo pacha y s'amistó con Agustí Duran i Sanpere, director de l'Archivo Historico d'a Ciudat, y con Joan Amades, gran etnologo y estudioso d'o folklore catalán, con qui se decidiría a plantar a sección d'Etnografía en o Museu d'Indústries i Arts Populars.

En 1952 muere su muller Caterina, con que Violant i Simorra cai en una depresión que nunca se sacaría. Se centra en a suya fayena museugrafica en ixos anyos, dica morir en 1956. Teneba cinquanta y dos anyos.

Formación autodidacta[editar | modificar o codigo]

Anque lo suyo oficio yera de sastre, l'esprito inquieto y observador y l'aficción con os libros (más que más sobre viaches, biografías y literatura) le fizon forma a la suya vocación. Quan s'afincó en Barcelona, dentró en contacto con o folklorista Joan Amades y con Francesc Baldelló, que estarían principals pa la propia vocación.

En os anyos 1932 y 1933 fizo os primers estudios de cultura material con un articlo sobre instrumentos populars. Ixa linia d'estudio le lleva a principar a intuir que yera preciso fer un museu etnografico en Barcelona. A partir d'alavetz, as rechiras por Pallars (a comarca d'an yera ell), siempre fuén acompanyadas de replegar obchectos, bastindo en primeras un museu domestico, que se tornaría la base de la incipient sección etnografica d'o Museu d'Insdústries i Arts Populars.

Os escritos y monografías de Violant i Simorra comenzón a conoixer-se de camín entre os circlos academicos, an se les feba l'aprecio. Cara pa final d'os anyos 1930, os intereses de Violant rodiaban ya a las claras os treballos de campo y l'analís d'a cultura material. Entre la Guerra Civil espanyola redactó una monografía sobre os pastors de Pallars. Aprofita os veranos pa replegar información sobre a vida tradicional y os costumbres d'os Pireneus, coleccionar obchectos etnograficos y escribir articlos en revistas y boletins.

Lo que comenzó como una aficción remata por profesionalizar-se quan, en 1940, lo fan o conservador d'a sección etnografica de l'incipient Museu d'Indústries i Arts Populars. Dende alavetz, as camapanyas las feba a-sobén entre os anyos 1940 y 1950, que ampliaban l'aria cheografica más t'allá d'os Pireneus, Tarragona y País Valenciano. Violant i Simorra se va refirmando en a suya visión sobre o feito etnografico que remataría con a suya obra de sintesi, El Pirineo Español. Os suyos treballos museugraficos tamién reflectan a visión global que teneba de a cultura, tan interrelacionada.

Se veiga tamién[editar | modificar o codigo]