Quercus faginea

Caixico
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Fagaceae Chenero: Quercus Especie: Quercus faginea
Nomenclatura binominal
Quercus faginea
Lam.

O Quercus faginea ye un caixico marcescent y la especie de caixico que se troba mes asobén en a Peninsula Iberica y Aragón.

Distribución

Abunda en o Sistema Iberico, en especial en suelos calsinosos, on forma caixicars. Ye present en o Prepireneu, pero hibrida con atros caixicos como Q.humilis orichinando o Q.cerrioides. Tamién ye present en os semontanos pirenenco y iberico, on localment puet formar caixicars, pero asobén se troba como exemplars minoritarios en os carrascals u en formacions mixtas de carrascas y caixicos. En os Monegros bi ha exemplars relictos en l'aria de Farlet-Monegriello y un caixicar relicto en Robres.

Fitonimia

En l'Alto Aragón presenta o mesmo fitonimo que qualsiquier especie caducifolia d'o chenero Quercus: caixico y as diferents variants: caixigo, caxico, ecetra, belunas con cheada, cachigo, cachico, y dica castellanizatas con h: cahico, que ye a forma que se fa servir como repui d'Aragonés en a localidat monegrina de Robres.

A forma robre, derivata d'o latín ROBORE-M se feba servir en l'aragonés d'o Baixo Aragón y d'o Mayestrato en continación territorial con o catalán roure, y en romanz navarro, como podemos leyer en o Fuero Cheneral de Navarra:

Et si el arbol fuere robre ho otro arbol q(ue) ningu(n)a fruyta no(n) trayga puede el seynnor del arbol ramas & todo el cuerpo del arbol puede defender entegrame(n)t

En l'aragonés d'as comunidatz aragonesas se deciba caxigo u rebollo seguntes zonas, y d'astí toponimos como Caxigal u Rebollar que ya se troban en os textos meyevals d'o sieglo XV. En l'aragonés d'as Comarcas Churras tamién se diciba rebollo, parola que encara se conserva en o castellán que lo ha sustituito.