Nadal

De Biquipedia
Ir ta: navego, busca
A Natividat en un quadro de Charles Le Brun.

O Nadal u a Navidat (d'o latín nativitas; "naixencia") ye una d'as festividatz cristianas más importants, chunto con a Pasqua y Pentecosta, pos celebra a naixencia de Chesucristo. S'enzata con o Nadal u Día de Nadal, que ye celebrato o 25 d'aviento por a Ilesia Catolica y a Ilesia Protestant y o 7 de chinero en a Ilesia Ortodoxa, ya que no acceptó o calandario gregorián, que cambeó o calandario chulián de l'epoca romana.

Os anglofablants emplegan o termin "Christmas", o significato d'o qualo ye misa ("mass") de Cristo". En bellas luengas chermanicas, como l'alemán, a festividat se clama "Weihnacht", que significa "nueit de bendición". As festividatz de Nadal se proposan, como o suyo nombre indica, celebrar a natividat (u siga, a naixencia) de Chesús de Nazaret.

Tradición nadalenca[editar | editar código]

Mientres a temporada nadalenca, se gosan celebrar quantas festividatz amás d'a una de Nueit Buena, como as "posadas", que son fiestas (prou comuns en bellos países como Mexico) en as que se recreya a forma en que María y Chusé demandoron un cubillar ta que naixiés o suyo ninón, o Nino Dios.

Tamién se gosa ficar árbols de nadal, que son pins con galanuras como esferas y luces. Baixo d'iste s'aposa una portal de Betlem, ye decir, una representación d'a forma en que naixió Chesús. Cal mentar que a figura d'o Nino Dios no se be de ficar dica que siga 25 d'aviento; o día de Nadal.

En cada país varía a forma de celebrar o Nadal, pos cadaguno tien as suyas propias tradicions locals.

Se veiga tamién[editar | editar código]