Julián Borderas Pallaruelo
| Julián Borderas Pallaruelo | |
|---|---|
| Información personal | |
| Calendata de naixencia: | 1899 |
| Puesto de naixencia: |  Chaca (Chacetania, Uesca) |
| Calendata de muerte: | 1980 |
| Puesto de muerte: |  Mexico |
| Ocupación: | Politico |
Julián Borderas Pallaruelo, (dito O Sastre) naixito de Chaca (Chacetania, Uesca) en 1899 y muerto en Mexico en o exilio en 1980, estió un politico aragonés, con destacata actividat politica en Aragón en a Dictadura de Primo de Rivera, a Segunda Republica Espanyola y a Guerra Civil Espanyola.
Contenius |
[editar] A dictadura de Primo de Rivera
En 1928 (mientres d'a Dictadura de Primo de Rivera) Borderas, que yera alavez o propietario d'una chicota sastrería, estió o fundador de l'Agrupación de Chaca d'o Partido Socialista Obrero Español.[1] Asinas, en ixe mesmo anyo partecipó en o Congreso Federal d'o Partito en representación d'a melitancia socialista chaquesa.[2]
[editar] A Sublevación de Chaca
O 12 d'aviento de 1930, Borderas prenió parte en a Sublevación de Chaca d'os capitans Fermín Galán, Ángel García Hernández, Salvador Sediles, Miguel Gallo Martínez y Luis Salinas, chunto con atros politicos chaqueses, como Antonio Beltrán Casaña u Alfonso Rodríguez Subirana. O mesmo día d'a Sublevación, s'establió una Chuina Provisional Republicana, que nombró a l'alcalde provisional (Pío Díaz Pradas) y unos rechidors tamién provisionals, estando-ne uno Julián Borderas.[3] Engarcholato por a suya partecipación, fue liberato en abril de 1931 dimpués d'a proclamación d'a Segunda Republica Espanyola.[1]
[editar] A Segunda Republica
En as eleccions chenerals de febrero de 1936 en Espanya, Borderas fue esleito deputato en o Congreso d'os Deputatos por a provincia de Uesca.[1][4] Recibió 47.582 votos.[5]
[editar] A Guerra Civil
O 18 de chulio de 1936, dimpués d'o pronunciamiento melitar, Borderas, con l'alcalde de Chaca Julián Mur, Antonio Beltrán Casaña y atros luitoron contra os sublevatos, encara que dimpués habioron de retirar-se-ne ta Francia.
En tornar t'a zona republicana por Catalunya, Borderas estió uno d'os colaboradors d'Antonio Beltrán ta organizar as unidatz melitars de republicans fuyitos d'as zonas controlatas por os sublevatos en Chacetania y en as Cinco Villas. Con els formoron grupos que dimpués estioron o Batallón Alto Aragón y o Batallón Cinco Villas, d'a 130ª Brigada Mixta y a 43ª División. Borderas estió comisario politico d'a 130ª Brigada Mixta, mandata por Mariano Bueno Ferrer, y dimpués estió comisario en o X Cuerpo d'Eixercito de Miguel Gallo Martínez.[1]
[editar] O exilio
Dimpués d'a redota en a guerra, Julián Borderas s'exilió en Mexico, a on morió en 1980, vivindo-ie d'o suyo treballo como sastre.[1] Tamién colaboró en o cine mexicán,[6] y en plegar ta Mexico a Junta de Auxilio a los Republicanos Españoles li encargó fer ropa ta os exilatos.[7]
[editar] Vinclos externos
- (es) Antonio Gascón Ricao: 11 Pequeñas Biografías. Julián Borderas Pallaruelo, el Sastre.
- (es) Resultatos d'as eleccions de 1936 en Chacetania, con os votos de Julián Borderas en bells municipios.
- (es) Más resultatos, en a revista Amigos del Serrablo.
[editar] Referencias
- ↑ 1,0 1,1 1,2 1,3 1,4 (es) Antonio Gascón Ricao: 11 Pequeñas Biografías. Julián Borderas Pallaruelo, el Sastre.
- ↑ (es) El movimiento obrero en Sabiñánigo 1931-1936, en Amigos del Serrablo.
- ↑ (es) Esteban C. Gómez: La insurrección de Jaca. Los hombres que trajeron la República. Ed. ESCEGO (edición presonal), Barcelona, 3ª edición, chinero de 2005. ISBN 84-905-5798-7; pachina 291.
- ↑ (es) Diputados del PSOE en la II República en www.exiliados.org.
- ↑ (es) La Vanguardia d'o 21 de febrero de 1936.
- ↑ (es) Películas del cine mexicano: Pepita Jiménez (1945).
- ↑ (es) Actas de la JARE, Archivo Carlos Esplá.
