Garrapescaire

De Biquipedia

Garrapescaire
Garra pescataire (Ardea cinerea)
Estato de conserbazión
Seguro.
Clasificazión zentifica
Dominio: Eukaryota Reino: Animalia Filo: Chordata Clase: Aves Orden: Ciconiiformes Familia: Ardeidae Chenero: ''Ardea'' Espezie: ''A. cinerea''
Nomenclatura binomial
Ardea cinerea
Linnaeus, 1758
Berde claro: Estíu. Berde fosco: Tota l'añada. Azul: ibierno.

A garrapescaire u pescatera (Ardea cinerea (L., 1758)) ye un abe chancluta d'a familia d'as ardeidas que bibe más que más en Europa e Asia, estando migradora en as rechions més fredas.

Ye un muixón bien gran, fendo cuan ye de piet d'entre 90 e 100 cm d'altaria, e plegando t'es 2 m d'amplaria d'alas cuan s'alza en buelo. O plomache ye griso per alto e blanco (u blanquinoso) per baixo. En es adultos, á més, a capeza se torna blanca deixando una carauteristica francha fosca lonchitudinal, que remata per zaga d'a capeza fendo dos chiquetas crestas no erectils de plomas finas. En o peito e espailas, una mena d'aniello de plomas largas e sedosas penden á l'aire como sueltas, e si s'examinan detalladament, amuestran brilluras metalicas.

Como totas as ardeidas, as patas las tien largas e grisas, e ro pico de color amariella u mesmo més naranchenca que altras espezies, estando-ne ra color fosca d'a balba superior una carauteristica clau ta identificar es indibiduos inmaduros. O cuello ye largo e con forma de S, e el mantién replegato mientres buela.

Construye es niedos á l'alto d'arbols e cheneralment en colonias de dibersas parellas, cuasi nunca luen de l'augua. Ye un animal pescador, que captura peixes, ranas e altros chicoz bertebratos, esperando que istes paren quietos con gran pazienzia e alabez arrullando rapidament una picotada ta agafar-los.

[editar] Enrastres externos

• Biquiespezies tien un articlo sobre Ardea cinerea.
• Se beigan as imachens de Commons sobre a garra pescataire.
• (en) Bideos de garrapescaires en o portal Internet Bird Collection.