Ardeidae

De Biquipedia
Ir ta: navego, busca
Ardeidae
Garra grisa
Garrapescaire (Ardea cinerea)
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Ciconiiformes
Familia: Ardeidae
Leach, 1820
Cheneros

As ardeidas (scientificament Ardeidae) son una familia d'aus aintro d'a orden d'as Ciconiiformes. Son muixons granizos y gosan d'habitar amán d'es cursos d'augua, especialment en lacunas, basas, pilonas u altros puestos a on l'augua se trobe estancata y bi haiga prou vechetación. Corresponden alto u baixo con es animals que en aragonés gosan a clamar-se garras y garrons.

Plegan a fer de 70 – 85 cm d'altaria, con o plomache de color blanca en amés gran parti d'as especies (en bi ha que tienen altras colors, como a garrapescaire), y totas tienen per un regular o pico de color amariella con as patas liergas y grisas, que les dan o nombre. En l'Alto Aragón, a parola garra s'emplega a sobén también ta designar qualsiquier muixón de patas liergas, anque propiament dita, se tracta d'istes animals.

Habitualment son animals solitarios, pero en a suya epoca de nidificación se tornan gregarias. Es abetoros y es pescataires también perteneixen a ista familia d'animals. A familia d'as ardeidas tien 60 especies aintro de 15 cheneros.

Especies d'ardeidas[editar | editar código]

Vinclos externos[editar | editar código]

Biquiespecies
Se veiga a información de Biquiespecies sobre Ardeidae.