Güellos Negros

De Biquipedia

Güellos Negros
Molín de Güellos Negros
Comunidat autonoma	Aragón
Probinzia	Tergüel
Redolada	Xiloca
Codigo postal	44313
Superfizie	90,71 km²
Altaria	1151 m.
Distanzia	72 km enta Tergüel
Poblazión	531 ab. (2004)
Chentilizio	{{{chentilizio}}}
Ríos	{{{ríos}}}
Pachina web	{{{web}}}

Güellos Negros (Ojos Negros en castellán) ye un monezipio de a probinzia de Tergüel (Aragón), situato en a redolada de o Xiloca. A suya poblazión ye de 531 abitants (2004), en una superfizie de 90,71 km² y una densidat de 5,85 ab/km².

Contenius 1 Cheografía 2 Istoria 3 Nombre 4 Fiestas 5 Bibliografía 6 Enrastres esternos 7 Beyer tamién 8 Referenzias

[editar] Cheografía

Ye situato en a costera norte de a Sierra Menera. Tien chazimientos de fierro en unas piedras calsineras d'edat silurica on se conzentró o fierro.

[editar] Istoria

Bi ha poblatos zeltibers relazionatos con l'aprobeitamiento de o fierro de a zona.

Seguntes Agustín Ubieto Arteta, a primera zita d'o lugar ye en 1294, recollita en l'obra de Toribio del Campillo Documentos históricos de Daroca y su Comunidad (Zaragoza, 1915).^[1]

En 1903 se costruyó a bia ferria entre iste lugar y o puerto de Murbiedro (on dimpués serían os Altos Fornos de Murbiedro), estando o ferrocarril pribato con recorrido más largo d'Europa.

En 1987 desaparixió l'autibidat industrial en os Altos Fornos de Murbiedro y as menas se zerroron.

[editar] Nombre

No conoxemos a forma aragonesa y mozarabe lochica d'iste toponimo Güellos Negros. Conoxemos a forma Ollosnigros d'un testo de 1205 adibito en o Libro bermello de l'Archibo Colechial de Daroca. En ixe testo o bispe de Zaragoza Remón de Castrocol adchudica as dezimas e primizias de cada lugar a cadaguna de as ilesias de Daroca. A trascrizión que en fa l'archiber Agustín Gil Domingo ye Ollonigres, pero en ixa trascrizión tamién bi ha traduzions a lo castellán e probables errors tipograficos. Tamién n'ixe testo bi ha muitos nomes latinizatos e sin de diptongo romanze: Cobas, Corbo, Ferrerola, Fontesclaras, Cerberolla, Laguerola, Sarcolla, Villanova, por o que ye fázil que a forma Ollosnigros, que presenta trazas latinas en nigres, podió tener diftongo -ue-, y representar una forma tipo Güellos negros.

Seguntes Agustín Ubieto Arteta, se decumentan as formas Ojos Negros y Oyos Negros.^[1]

[editar] Fiestas

• 23 y 26 d'agosto.

[editar] Bibliografía

• Agustín Gil Domingo. La historia de Calamocha a través de la Historia (I). Xiloca 30.[1]
• Luis Alberto Majarena Gonzalvo. El Libro Bermejo del Archivo Colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.

[editar] Enrastres esternos

• www.OjosNegros.net

[editar] Beyer tamién

• Lista de monezipios de Tergüel

[editar] Referenzias

1. ↑ ^{1,0 1,1} Ubieto Arteta, Agustín: Toponimia aragonesa medieval, Balenzia, 1972.