Clematis vitalba

De Biquipedia
Ir ta: navego, busca
Betiquera
Betiquera
Betiquera (Clematis vitalba)
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Ranunculales
Familia: Ranunculaceae
Subfamilia: Ranunculoideae
Chenero: Clematis
Especie: C. vitalba
Nomenclatura binominal
Clematis vitalba
L.
Clematis vitalba

A vetiquera u vetiguera (Clematis vitalba (L. 1758)) ye una enreligadera natural d'Europa que creixe en selvas, barzals y marguins, con preferencia per a tierra calsinosa.

S'enfila en os árbols, paretz y baranas creixendo-be muito per dencima, a ormino gosando fer l'altura d'éstes. En as marguins, forma una capa cobertera en a resta d'a vechetación. Se reconeixe más que más per as simients flotaderas que produce, con forma d'ancheletz (aquenios) plumosos de color blanca, que fa en grans cantidatz.

En as zonas mediterranias d'a Val de l'Ebro se troba restrinchita en os sotos fluvials (urmeras, choperas) estando sustituita en as selvas y matucals mediterranios por Clematis flammula.

Betiquera seca con as simients.

Fitonimia[editar | editar código]

En Aragón tiene diferents formas d'o mesmo fitonimo, y ye una d'as parolas que más s'han estudiato en función d'a suya distribución, pos pendendo d'os puestos la i dicen con conservación d'as consonants xordas u sonorización d'éstas. Una relación aproximata d'as rechions a on la i dicen de cada maniera ye: Betiquera en a Chacetania, Alto Galligo y Sobrarbe a l'ueste d'o río Cinca, betiguera a l'este d'o río Cinca (val de Chistau, val d'A Fueva, Ribagorza), belliguera en a val de Benás, meliguera ocasionalment en o sud d'a Ribagorza, Litera y Cinca Meya, botiquera en o Semontano de Balbastro, y petiquera en a Plana de Uesca y Alcanyiz. En a val d'Ansó le i dicen billuertera, que ye un termino posiblement influenciato per l'antigo romance navarro.[1]

Referencias[editar | editar código]

  1. ELCOCK, W. D. Algunas afinidades fonéticas entre el aragonés y el bearnés. Xordica Editorial e Prensas Universitarias de Zaragoza. Zaragoza 2005. ISBN 84-96457-09-5

Vinclos externos[editar | editar código]