Carl von Linné
De Biquipedia
|
||||||||||||
Carl von Linné estió lo nombre, una begada le estió atorgado lo titulo nobiliario, d'o botanico, zoologo y medico sueco Carl Linné (Suezia, 23 de mayo de 1707 - † Idem, 10 de chinero de 1778). Per l'estilo d'a suya epoca, publicaba las suyas obras en latín, e las siñaba como «Carolus Linnaeus», motibo per lo que gosan clamar-lo á sobent en as lenguas latinas como 'Linneo', 'Linneu', 'Linné' u altros nomes parellans.
Estió l'establidor d'o Sistema de nomenclatura binominal biolochica ta claseficar os sers bibos, e per ixo le se considera lo "Pai fundador" d'a taxonomía muderna. Ye también un d'os fundadors d'a ecolochía atual.
Estió lo botanico y naturalista més aclamato d'a suya epoca, y á demés, per a suya capazidat oratoria l'almiroron muitas d'as personalidaz d'o suyo tiempo. Per exemplo, o filosofo franzés Jean-Jacques Rousseau en dizió que no conoixeba garra personalidat “més gran” que Linné, l'escritor alemán Johann Wolfgang von Goethe n'escribió: "Con as eszepzions de Shakespeare y d'Spinoza, no sé de dengún d'entre os que ya no se troban d'entre nusatros que m'aiga enfluyenziato més profundament". l'Autor sueco August Strindberg escribió sobre Linné: "Linnaeus estió en reyalidat un poeta que resultó combertir-se en naturalista".
[editar] Se beiga tamién
