Abantbrazo

Musclos interiors posteriors.

Musclos exteriors posteriors.

L'abantbrazo (pron. arag. chen. /abambraθo/, ben. /abambraso/) ye una d'as quatre porcions en que se divide o miembro superior. L'abantbrazo se troba limitato por a suya cara superior con o brazo por meyo de l'ancón y por a suya cara inferior con a man a traviés de l'articulación d'o maniquiello.

Uesos

O escleto osio de l'abantbrazo ye composato por dos uesos luengos: o radio (ueso externo) y o cubito (ueso interno).

O radio s'articula con o ueso d'o brazo, l'humero, y con o propio cubito, y con os uesos d'o carpo escafoide y semilunar. O cubito s'articula nomás con o ueso d'o brazo, l'humero, y con o radio.

Ye formato por l'articulación radiocubital que pende en a unión, por a zona superior y inferior, d'o cubito y o radio. Entre ells existe un espacio recubierto por fibrocartilago muit resistent (sincondrosis). Ista articulación ye a que permite os movimientos de pronación y supinación, a on o radio chira arredol d'o cubito.

Musclos

A rechión muscular de l'abantbrazo ye composata por vente musclos, y se divide en tres rechions musculars:

• Rechión anterior.
• Rechión posteroexterna.
• Rechión posterior.

Rechión anterior

Contiene quatre plans musculars con ueito musclos, que son, d'o más superficial enta o más fundo:

Primer plan: En sentito lateromedial:

• pronador redondo,
• palmar mayor, u flexor radial d'o carpo
• palmar menor, u palmar luengo
• cubital anterior, u flexor cubital d'o carp

Segundo plan:

• Se troba o flexor común superficial d'os didos, que contiene quatre fasciclos.

Tercer plan:

• flexor común fundo d'os didos, composato por quatre fasciclos;
• flexor luengo d'o pulgar.

Quatreno plan:

• pronador quadrato.

Rechión posteroexterna

Contiene quatre musclos que son, d'o más superficial enta o más fundo:

• supinador luengo, u braquioradial,
• extensor radial luengo d'o carpo,
• extensor radial curto d'o carpo,
• supinador curto.

Rechión posterior de l'abantbrazo

Contiene dos plans musculars con un total de ueito musclos.

Plan superficial

Contien tres musclos. Descritos en sentito lateromedial:

• extensor común d'os didos, dividito en tres fasciclos;
• extensor propio d'o dito chicot;
• cubital posterior.

Plan fundo

Contien cinco musclos. Descritso en sentito lateromedial y anteroposterior:

• extensor curto d'o pulgar,
• abductor luengo d'o pulgar,
• extensor luengo d'o pulgar,
• extensor propio d'o endice.

En a parti más superior de l'abantbrazo se troba o chicot musclo anconal.