Vachina
A vachina ye un organo de l'aparato reproductor femenín en os mamifers. Tien forma de conducto que, s'estendilla entre a vulva y l'utero. Se fa servir por un regular ta reyalizar o coito y ta parir.
En o caso d'os sers humans, iste conducto s'emplega tamién en atras practicas sexuals que pueden no estar orientatas a la reproducción.
A vachina ye un organo muit musculoso, rico en fibras de colachena, y relativament innervato, en comparación con a vulva. A suya superficie ye colonizata por a-saber-las especies bacterianas y funchicas; d'entre as que predominan as d'o chenero Lactobacillus que le dan un pH baixo y que impiden a dentrata a l'organismo d'achents patochenos por ista vía.
Muitas afeccions pueden alterar ista composición bacteriana dando como conseqüencia infeccions vachinals y quadres més o menos grieus (vachinosi bacteriana, Streptococcus faecalis, etc).
|
|
||
|---|---|---|
| Tozuelo | Boca (Labio · Luenga · Dient) · Caixo · Cara · Cranio · Frent · Mentón · Naso · Orella · Pulso · Uello (Cella · Parpiello · Pestanya) · Variella | |
| Cuello | Foyeta · Garganchón | |
| Tronco | Abdomen · Anca · Ano · Cul · Esquena · Huembro · Peito · Renera · Melico · Tórax Aparato reproductor masculín (Escroto · Pene · Testiclo) · Aparato reproductor femenín (Clitoris · Vachina · Vulva) |
|
| Estremidatz | Abantbrazo · Ancón · Brazo · Caniella · Man · Maniquiello · Dido (Anular · Cordial · Currín · Endice · Ungla · Pulgar) Garra · Cuixa · Chenullo · Calcanyar · Clavillar · Piet |
|
| Piel | Barba · Mostaixa · Cameretas · Pelo · Zoqueta | |
