Man
De Biquipedia
- Iste articlo trata sobre a man umana. Ta altros usos d'a parola se beiga man (desambigazión).
A man u mano ye a parte más estrimera d'as estremidaz anteriors (brazos) d'o ser umán u cualsiquier altro primat. A man per un regular gosa emplegar-se ta sochetar obchetos u agafar-se ta os elementos de l'ambient, cosa que las fa estar importants ta ro desplazamiento braquial d'es primaz. Abitualment, se gosa fer destinzión d'as patas d'es animals per a posibilidat que tienen d'oponer un d'es didos ta es altros.
A man tien de forma natural zinco didos u ditals, que si se mira a palma d'a man ezquierda son, d'a dreita ent'a ezquierda: o dido gran u pulgar, o endiz, o dido meyán, meyaner, d'o meyo u cordial, l'anular e o currín u dido chico.
[editar] Constituzión d'a man
Anque belaltros mamiferos tienen estremidaz d'asimiento morfolochicament parellanas á una man, ixas no pueden considerar-se zientificament como tals e per ixo se les da altros nombres. O emplego d'o termín man ta desinnar a terminazión d'una pata anterior d'un animal que no siga primat ye un uso zientifico d'antropomorfizazión. Ta poder considerar-se como tals, cal que as mans tiengan pulgars oponibles.
En o caso d'es sers umans, as dos mans se troban en o cabo d'es abantebrazos. Tamién se gosa dezir que os simios e monos tienen cuatre mans perque también en es piez tienen didos largos e pulgars oponibles que lis permiten sochetar obchetos.
[editar] Enrastres externos
O Biquizionario tien una dentrata sobre la man.
Se beigan as imachens de Commons sobre mans.
