Pulgar

Iste ye un articlo d'anatomía. Ta o municipio d'a provincia de Toledo se veiga Pulgar (Toledo)

Un dido pulgar

O pulgar ye, en anatomía humana, o primer dido d'a man. Se puet oposar completament a os atros quatre didos y puet tocar a resta de didos dende a suya punta dica a base, y mesmo a parti superior d'a palma d'a man. Ista qualidat da a la man d'os humans - y en cheneral d'os primates - una ventacha evolutiva muit notable, ya que por meyo d'ista función anatomica o pulgar puet manipular obchectos grans aduyando-se con a palma d'a man, y obchectos meyans u chicotz aduyando-se con un u mas didos.

Orichen

A evolución d'o pulgar oposable u prénsil a sobén s'asocia con l'Homo habilis, o predecesor de l'Homo sapiens. Ye o resultato d'a evolución de l'Homo erectus (alto u baixo un millón d'anyos antis) a traviés d'una serie d'etapas antropomorficas intermeyas, ya que ye un proceso evolutivo muit complicato.

Anatomía humana

O pulgar human ye formato por uesos y por músclos.

Uesos

Ye formato por tres uesos, que de distal a proximal son:

• Falanche distal
• Falanche proximal
• Primer metacarpián

Músclos

Os movimientos d'o pulgar son controlatos por 8 músclos:

Nombre	Orichen	Innervación
Extensor luengo d'o pulgar	Abantbrazo	Niervo radial
Abductor luengo d'o pulgar	Abantbrazo	Niervo radial
Flexor luengo d'o pulgar	Abantbrazo	Niervo radial
Extensor curto d'o pulgar	Abantbrazo	Niervo radial
Abductor curto d'o pulgar	Man	Niervo meyo
Flexor curto d'o pulgar	Man	Niervo meyo
Oponent d'o pulgar	Man	Niervo meyo
Abductor d'o pulgar	Man	Niervo ulnar

Simbolochía

Bi ha muitos chestos culturals en que interviene o pulgar. Por eixemplo, un pulgar entalto indica aprovación, mientres que entabaixo indica negación u critica. Pareixe que o chesto viene d'os combates de gladiadors romans, a on que os espectadors decidiban a muerte d'o perdedor u amnistiar-lo con un chesto d'o pulgar.

Con o pulgar se puet demandar a un auto que s'ature ta puyar-ie en l'autoestop (en bells países, s'usa tamién ta gritar a os taxis).