Biera

De Biquipedia

A biera u zerbeza ye una bebita alcolica esbrumosa produzida cuan fermenta o zucre en un meyo acuoso á o que s'adibe una empreñatuara. O zucre ta la soluzión que se fermenta s'otiene en cheneral d'a malta d'ordio, pero tamién puede otener-se d'atros zerials como o trigo, o roz u o panizo. O zerial se fa grillar y dimpués se ixuca á escape en en prozeso clamau malteyau que da como produto a malta. A malta fermentada fica en augua y se calienta ta fer un mosto. Éste se gosa aromatizar con alpetrique u betiquera (Humulus Lupulus), que da á la biera a carauteristica sapia amarga. Dimpués o mosto s'enfrida ta premitir o desembolique d'a empreñatuara, que enzeta a fermentazión que produzirá l'alcol y o CO₂.

Tamién se gosa dezir ordio á esta bebida, por o zerial que s'emplega en a suya elaborazión.

[editar] Etimolochía

O nombre zerbeza que ye o más emplegato en l'aragonés biene, como en muitas luengas romanicas, d'o galo á trabiés d'o latín cerevĭsĭa, á on teneba o mesmo senificato. Manimenos tamién s'emplega en l'aragonés tensino a parabra biera ta dezir á ista bebita, parabra con etimolochía chermanica que probiene de bier á trabiés d'o oczitán gascón.