Augua
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'augua[1] (aigua en os parlars de Ribagorza) (d'o latín < AQUA)[2], como substancia quimica ye formata por hidrocheno y oxicheno, con a formula H2O.
Ye una substancia abundant en a Tierra, a on puede trobar-se en distintas formas y puestos, prencipalment en os oceanos, pero tamién en as boiras, as plevias, os ríos y as cheleras (por eixemplo en banquisas). Tien una gran capacidat ta disolver atras substancias y ye muito dificil trobar-la pura.
A diferencia d'a mayor parte d'as substancias tien mayor densidat en estau liquido que en estau solido, y esto tien muita importancia porque permite a vida en os lacos u mars que se chelan en hibierno.
O suyo alto calor especifico fa calga ceder muita enerchía pa cambear a temperatura y que tarde muito a escalfar-se u enfriar-se. Esto fa que siga un regulador d'o clima terrestre.
Ye un component fundamental en todas as formas de vida conoixitas.
Os humans y atros animals beben augua potable que ye un bien encara mas escaso.
L'augua en a naturaleza
[editar | modificar o codigo]L'augua en l'universo
[editar | modificar o codigo]L'augua ye un element muito abundant en o nuestro sistema solar y se crei que tamién en l'universo, prencipalment en o suyo estau solido (chelo) y en forma gaseosa (vapor d'augua). Se ha detectato vapor de augua en Mercurio (3,4%), Venus (0,002%), la Tierra, Marte (0,03%), Chupiter (0,0004%), Encelado (91%) y en os exoplanetas HD 189733 b y HD 209458 b [3] en estado liquido en a tierra y en a luna.[4] y en chelo en a Tierra, Marte, Titán, Europa, Encelado, en cometas y atros obchetos meteoricos, y se crei que tamién bi ha chelo en a Luna, Ceres, Tetis, Urano y Neptuno.
Usos
[editar | modificar o codigo]Uso agricola
[editar | modificar o codigo]
L'agricultura ye l'actividat humana que mas augua consume, prencipalment pa lo regano, según la FAO (Organización d'as Nacions Unidas pa l'Alimentación y l'Agricultura) l'agricultura utiliza lo 69% de l'augua extraita en o mundo, en as zonas mas aridas s'estima que plega a lo 90%.
L'uso de nitratos y pesticidas en as labors agricolas suposan la prencipal contaminación difusa d'as masas d'augua tanto superficial como subterrania. La mas significativa ye la contaminación per nitratos, que produz la eutrofización d'as auguas.
Uso industrial
[editar | modificar o codigo]
L'augua ye muito utilizada en procesos industrials prencipalment como materia prima, disolvent u pa realizar intercambios de calor, bien sía pa calentar u refrigerar. Tamién ye utilizau pa producir vapor d'augua que mueven maquinas u turbinas de vapor, pa producir movimiento u electricidat. L'augua a presión s'utiliza pa labors de limpieza, hidrodemolición u en maquinas y pistolas pa tallar diferents materials como acero, formigón armau u ceramica.
Dimpués d'o suyo uso, la mayor parte s'elimina tornando-la nuevament a la naturaleza sin tractamientos, a vegadas se tractan pero atras l'augua residual d'a industria contaminada con metales pesaus, substancias quimicas u materia organica torna a lo ciclo de l'augua sin un tractamiento adecuau, lo que repercute negativament en a calidat de l'augua y en o meyo ambient acuatico. En a actualidat i hai muitos países que regulan lo tractamiento d'as auguas y obligan a realizar ditos tractamientos pero muitos atros países no tienen regulación y son de dificil seguimiento y acaba no respectando-se.
Extinción d'incendios
[editar | modificar o codigo]La elevada calor latent de vaporización de l'augua y la suya relativament baixa reactividad quimica la converten en un fluido eficaz pa amortar cualques tipos d'incendios. L'augua extingue lo fuego per enfriamiento, per medio de l'absorción d'a calor procedent d'a combustión. L'augua tamién disminuye la concentración de oxicheno en evaporar-se, contribuyindo asinas a safocar lo fuego. Manimenos, l'uso de l'augua pa amortar las flamas sobre equipos electricos no ye recomendable, a causa d'as suyas propiedaz como conductora d'a electricidat, que pueden provocar una electrocución.
Manimenos, l'uso de l'augua pa amortar las flamas sobre equipos electricos no ye recomendable, a causa d'as suyas propiedaz como conductora d'a electricidat, que pueden provocar una electrocución y d'a mesma forma no ha d'estar emplegada pa extinguir incendios de combustibles liquidos u disolvents organicos, ya que flotan en l'augua y la ebullición explosiva de l'augua tiende a extender lo fuego.
Uso recreativo
[editar | modificar o codigo]
- Las riberas d'os lacos, ríos y plachas, y los parques acuaticos son puestos populars de relaxación y diversión.
- Lo son d'o fluxo de l'augua tiene un efecto tranquilizante, por estar un rudio blanco.
- Os acuarios y estanques con peixes y vida marina per cualques personas son utilizaus pa diversión, companyía, u pa exhibición. Ista afición ye conoixida con o nombre d'acuariofilia, y ye muito antiga, documentada dende a lo menos fa 2.000 anyos en China, mientres muito tiempo la acuariofilia yera totalment basica, sin sistemas de suporte de vida pa los peixes, que requeriban especies resistents y constants cambios d'augua. Este sistema arcaico se perpetuó dica los nuestros días a traviés d'as peixeras, y se superó con o desembolique d'os modernos acuarios, con suportes vitals ta los peixes como filtros y oxichenadors d'augua.
- Tamién s'utiliza pa chuegos de diversión y de baralla per medio d'o lanzamiento de bolas de nieu, globos d'augua, y mesmo con l'uso de pistolas d'augua.
Esporte
[editar | modificar o codigo]Los humans utilizan l'augua pa cuantos propositos recreativos, entre los cuals se troban lo exercicio fisico y la practica d'esportes acuaticos. Beluns d'estes esportes incluyen la natación, lo buceo, lo esquí acuatico, la navegación, lo surf y lo blinco de trampolín. Tamién se fan esportes cuan l'augua esta en atros estaus como os esportes d'hibierno que se fan sobre chelo o nieu, como lo hockey sobre chelo, lo patinache sobre chelo, lo curling, lo esquí, os blincos d'esqui, lo snowboard y atros con trineus.
Ornamentación
[editar | modificar o codigo]Las fuents y canals, construyius en un prencipio pa facilitar l'uso de l'augua pa lo consumo humano, riego y transporte, han pasau a convertir-se en elementos ornamentals pa decorar puestos publicos u privaus.
Bibliografía
[editar | modificar o codigo]- Gleick, Peter H.: The World's Water: The Biennial Report on Freshwater Resources. Washington D.C., Estats Units: Island Press. 10 de novembre de 2006. ISBN 978-1-59726-105-0.
- Marks, William E.: The Holy Order of Water: Healing Earth's Waters and Ourselves. Bell Pond Books. Great Barrington, Massachusetts, novembre de 2001. ISBN 0-88010-483-X.
- Silvester, Hans; Fischesser, Bernard i Dupuis-Tate, Marie-France: L'eau entre ciel et terre, Éditions de la Martinière, París, França, 2000. ISBN 2-7324-2558-3.
- Vandana Shiva (2002). Water Wars: Privatization, Pollution, and Profit. Londres: Pluto Press. ISBN 0-7453-1837-1.
Se veiga tamién
[editar | modificar o codigo]Referencias
[editar | modificar o codigo]- ↑ (an) Silbia Garcés Lardiés,Francho Rodés Orquín:Un borguil de parolas. Bocabulario dialeutal escolar, Gubierno d'Aragón, 2006, ISBN 84-689-7358-0, p.14
- ↑ (es) José María Enguita Utrilla:Un vocabulario agrícola turiasonense de 1382, Turiaso n°8, 1989, ISSN 0211-7207, p.139-178
- ↑ (en) Water Found in Extrasolar Planet's Atmosphere.
- ↑ (de) Auf dem Mond gibt es Wasser.
Vinclos externos
[editar | modificar o codigo]
Se veigan as imáchens de Commons sobre l'augua.
O Biquizionario tien una dentrada sobre l'augua.- (es) Dentrada en a Gran Enciclopedia Aragonesa.
- (en)/(fr)/(es) Pachina de l'augua en a pachina web d'a UNESCO.
| Control d'autoridaz |
|
|---|
