Acero

De Biquipedia
Ir ta: navego, busca
Iste articlo ye sobre una aleyación metalica. Ta o grupo de rock matarranyés se veiga Azero (colla).
Articlo d'os 1000
Puent d'acero.
Una sirga d'acero.

L'acero ye una aleyación de fierro y carbonio, a on que o carbonio no blinca d'o 2,1% en o peso d'a composición de l'aleyación. A meyatos d'o sieglo XX existiban 2 versions d'o diagrama d'equilibrio d'os acers. En a versión alemana (u europea) a composición maxima d'os acers s'establiba en o 1,7% de carbonio mientres que en l'anglonordamericana (u americana) o maximo s'establiba en o 2,1%. Hue día a fracción limite de carbonio en os acers dende o punto de vista metalurchico s'estableixe arredol d'o 2,1% de carbonio.[1] gosando estar a ormino os porcentaches d'entre o 0,2% e o 0,3%.

O fierro puro ye un metal muit dúctil pero de baixa resistencia. O carbonio li da dureza y resistencia. En función d'o porcentache de carbonio s'obtienen diferents tipos d'acero, ye decir, un acero con muito carbonio será un acero muit resistent y muit duro, pero tamién muit frachil, y un acero con poco carbonio será poco resistent y poco duro, pero con menos frachilidat.

Aplicacions[editar | editar código]

L'acero en as suyas diferents classes y formas ye muito present en a nuestra vida cotidiana. Ye present en ferramientas, aparatos, electrodomesticos, maquinaria, autos, estructuras de casas, naves industriales y atros edificios.

Comercialment se troba en forma de chapa y perfils:

  • Redondo.
  • Cuadrato.
  • Pasaman.
  • Perfil en I o doble T, IPN, IPE o d'ala ampla (HEB, HEA, HEM).
  • Perfil en anglo (LPN).
  • Perfils en T (TPN).

Referencias[editar | editar código]

  1. (en) Iron Carbon diagrams over the Years. Cees van de Velde

Vinclos externos[editar | editar código]