Marte (planeta)
De Biquipedia
- Iste articlo ye sobre a planeta, ta atros usos d'iste termín se beiga Marte.
|
||||||||||||||||||||||||||||||||||||||||||||||||||||||||||||||||||||||||
Marte (en aragonés meyebal, Mars), tamién conoxito como a Planeta Roya, ye a cuatrena planeta d'o Sistema Solar. Fa parte d'o grupo de planetas teluricas, de naturaleza rocosa, como a Tierra, y ye a primera d'as planetas esteriors á la orbita terrestre. Ye, talment, a planeta más parexita á la Tierra.
Tycho Brahe midió con muita prezisión o mobimiento de Marte en o zielo. Os datos respeutibe á o mobimiento retrogrado aparent (lazos) premitioron á Kepler de trobar a naturaleza eliptica d'a suya orbita y determinar as lais d'o mobimiento planetario conoxitas como lais de Kepler.
Fa parte d'o grupo de planetas superiors o esteriors, asinas clamatas porque nunca no pasan entre o Sol y a Tierra, ni se beyen ni en o crexient ni en mingua. A suyas fases son poco siñalatas, feito que ye fázil de contrimostrar cheometricament. Considerando o trianglo Sol-Tierra-Marte (STM), l'anglo de fase lo forman o Sol y a Tierra bistos dende Marte. Plega en a suya balura masima en as cuadraturas cuan o trianglo STM ye rectanglo en a Tierra. Ta Marte, iste anglo de fase no ye nunca mayor que 42º, y o suyo aspeuto de disco cheposo se pareix á o que presienta a Luna 3.5 diyas antes u dimpués d'o plenilunio. Ista fase, que puede estar bista con un telescopio d'afizionato, no la podío beyer Galileo, qui nomás suponió a suya esistenzia.
|
Solar |
 |
|---|---|
| Planetas · Enanos | Sol · Mercurio · Benus · Tierra · Marte · Ceres · Chupiter · Saturno · Urano · Neptuno · Plutón · Eris |
