Boira

De Biquipedia

Una boira es una masa bisible formata por cristals de nieu o gotas d'augua penchatas en l'amosfera. As boiras dispersan toda a luz bisible, y por ixo se beyen blancas. Manimenos, a begatas son masiau gordas u densas como ta que a luz las trescruze, y se beyen grisas u encluso negras, se'n gosa dizir boirons.

Contenius 1 Tipos y clasificazión d'as boiras 1.1 Boiras berticals Familia D 1.2 Boiras baxas Familia C 1.3 Boiras meyas Familia B 1.4 Boiras altas Familia A 1.5 Boiras orograficas 1.6 Denominazions tradizionals

[editar] Tipos y clasificazión d'as boiras

A clasificazión d'as boiras se fa d'alcuerdo á las suyas carauteristicas bisuals por a Organizazión Metiorolochica Mundial y biene recullita en o International Cloud Atlas (Atlas de Boiras Internazional).

Os nombres ofizials d'os diferens tipos de boiras son en latín. Bi ha tres cheneros (genera) alazetals:

• Cumulos (Cumulus): boiras de desarrollo bertical
• Estratos (Stratus): nubes estratificatas.
• Nimbos (Nimbus): nubes capables de formar plebia.

Os grupos anteriors se troban en boiras de tipo baxo, meyo u alto, y de desarrollo bertical, clasificando-sen en 9 tipos.

[editar] Boiras berticals Familia D

Istas boiras gosan tener corriens de puyada zerenas, crexendo muito dende os suyos alazez y formando-sen a grans altarias.

• Cumulonimbus ligatas plebidas y tronadas, se'n diz boira grasa (Cb)
• Cumulonimbus incus
• Cumulonimbus calvus
• Cumulonimbus con mammatus
• Cumulus congestus
• Pyrocumulus

[editar] Boiras baxas Familia C

Á menos de 2 km

• Stratus (St)
• Nimbostratus (Ns)
• Cumulus humilis (Cu)
• Cumulus mediocris (Cu)
• Stratocumulus (Sc)
• Cumulus
• Cumulonimbus

[editar] Boiras meyas Familia B

De 2 á 5 km

• Nimbostratus
• Altostratus (As)
• Altostratus undulatus
• Altocumulus (Ac)
• Altocumulus undulatus
• Altocumulus caballa
• Altocumulus castellanus
• Altocumulus lenticularis

[editar] Boiras altas Familia A

Á más de 5 km

• Cirrus (Ci)
• Cirrus uncinus
• Cirrus Kelvin-Helmholtz
• Cirrostratus (Cs)
• Cirrocumulus (Cc)
• Pileus
• Trazau d'abión, una boira muy delgada, desarrollata por o paso d'una aeronau á altarias altas.

[editar] Boiras orograficas

Muitas begadas as boiras se troban mui baxas, á ran d'o suelo, debito en muitas ocasions á la esbaporazión d'a umidat d'o mesmo suelo y tamién á l'ausenzia d'aire. Ye abitual a formazión de boiras baxas en as montañas y tamién en as bals an pueden permanixer bels días, si ye mui espesa se'n diz boira preta.

Tamién bi ha atras boiras orograficas que pueden estar:

• Boiras lenticulars
• Boiras de Banner

[editar] Denominazions tradizionals

Torrollón ye en as Zinco Billas una nube blanca e densa. A parabra torrollón, egual que as bariants torrellón e turrillón sennifica en aragonés bella cosa como "torre mal feita", "torre chicota". En o catalán tortosín d'o Matarraña e Catín un torrelló ye una nube més alta que ampla, piramidal u tronco-conica, densa que endica que ploberá. Talment correspondan con o termin cumulus u por lo menos a los cumulonimbus.

Os zillos corresponden a los nimbus, A boira seca u as zerpetas corresponden a los estratus.

Una boira tan espesa e frida que dixa rosata en as brancas d'os árbols y en a hierba ye o dorondón, boira dorondonera u grumonada.