Vancouver

	Vancouver; City of Vancouver
	Localidat de Canadá
	; Anvista de Vancouver
Estau; • Provincia; • Districto Rechional	Canadá; Columbia Britanica; Districto Rechional d'o Gran Vancouver
Superficie	114,67 km²
Población; • Total	; 603502 hab. (2011)
Altaria; • Meyana	; 233 m.
Alcalde	Kennedy Stewart
Codigo postal	V5K
Coordenadas	49°15’38’’N123° 6’50’’U
	Vancouver Vancouver en Canadá
	Web oficial

Vancouver

Vancouver ye una ciudat canadenca localizada en o sud-ueste d'a provincia d'a Columbia Britanica. Tien una población de 582.296 habitadors, y l'aria metropolitana, conoixida como Districto Rechional d'o Gran Vancouver, ye amás gran de l'ueste d'o Canadá y a tercera más gran d'o país, con más de 2 millons d'habitadors. Vancouver será a Seu d'os Chuegos Olimpicos d'ibierno en 2010.

O capitán espanyol José María Narváez estió, en 1791, o primer europeu en explorar o Estreito de Georgia, que desepara a parte continental d'o Canadá (an que se troba hue a ciudat de Vancouver) y a isla de Vancouver. A l'atro anyo, o capitán britanico George Vancouver, s'aunió t'a expedición espanyola con base en Nootka Sound, en a costa sud d'a isla de Vancouver, y exploró o Estreito de Georgia, y l'aria an que hue se troba a ciudat de Seattle.

En 1870 o gubierno colonial d'a provincia exploró a comunidat local conoixida como Granville, en a costa. A ciudat cambió de nombre quan se construyó a terminal de ferrocarrils, ya que o nombre d'a isla de Vancouver, a l'atro costau de l'Estreito, yera reconoixiu en tot o Canadá.

Gracias a la suya situación costanera y a la protección d'as Montanyas Rocosas respective a las influencias continentals, Vancouver tien os hibiernos más calidos de todas as grans ciudatz canadencas, con una temperatura meyana menima de 3 graus Celsius, y prous plevias, pero con poca nieu.

Como a resta d'o Canadá, Vancouver amuestra una gran variedat etnica. O vico chino, Chinatown ye o segundo más gran d'America, dimpués de San Francisco, y bi ha vicos multiculturals como o Mercau Punchabi, o vico chino a Chiqueta Italia, o barrio griego y o vico corián.