Hockey sobre chelo

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Logo olimpico d'o Hockey sobre chelo.
Un partiu de hockey sobre chelo.

O hockey sobre chelo, ye un esporte d'equipo, olimpico d'hiberno. Se chuga en una pista de chelo (rink) entre dos equipos, a on que tanto os chugadors como os arbitros leban patins de chelo (skates). Os chugadors se moven patinando sobre o chelo, gosando plegar a altas velocidaz, estando un esporte muit rapedo y espectacular. Se fan servir palos (sticks) ta mover y pasar-se un disco (puck). L'obchectivo d'o chuego ye meter o disco en a portería de l'atro equipo (marcar gols). L'equipo que ha marcato mas gols a la fin d'o partiu en resulta ganador.

En Aragón l'equipo de hockey chelo mas important ye o Club Hielo Jaca, estando o club con mas títols a nivel estatal.

A normativa sobre la regulación d'o hockey sobre chelo li correspón a la Federación Internacional de Hockey Sobre Chelo (International Ice Hockey Federation) en anglés) u IIHF, con seu en a ciudat suiza de Zúrich, que ye qui organiza lo Campionato d'o Mundo d'hockey sobre chelo y o Campionato d'o Mundo d'hockey sobre chelo chuvenil, amás d'o Hockey sobre chelo en os Chuegos Olimpicos.

Historia[editar | modificar o codigo]

O esporte d'o hockey sobre chelo naixió en Canadá, estando inicialment nomás que una imitación d'o hockey sobre hierba, fácil que por as condicions climatolochicas d'o suyo país de naixencia. Os suyos primers praticants estioron militars d'orichen britanico, que chuugaban mas que mas en as superficies chelatas d'os lagos de Canadá. En estar un esporte naixito de Canadá, en ixe país s'ha convertito en un autentico "esporte nacional", encara que tamién ye un esporte prou practicato en Estaus Unius, Rusia, Suecia, Finlandia y a Republica Checa.

O primer partiu indoor d'iste esporte estió en a ciudat canadiense de Mont-reyal en 1877, estando chugato por estudiants d'a Universidat McGill, que estioron amás os definidors d'as normas d'o chuego. En ixas envueltas se feva servir una pilota de caucho, que dimpués fue substituita por o disco que se fa servir hue, y os equipos yeran formatos por nueu chugadors de campo, amás de chugadors-reserva. Mientres os anyos 1880 s'estendilló a practica d'o esporte por o país y s'establioron cuantos equipos. En 1898 Frederick Stanley, Gubernador de Canadá, establió un trofeu que leva o suyo nombre, a Stanley Cup, que contina hue a suya existencia y que ye o trofeu ta o ganador d'a National Hockey League, a Liga profesional d'iste esporte con equipos de Canadá y d'Estaus Unius. Alto u baixo en 1895, o hockey sobre chelo ya s'heba estendillato a os Estaus Unius.

Prencipals competicions[editar | modificar o codigo]

Vinclos externos[editar | modificar o codigo]