Valle de la Larri
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| La Larri | |
|---|---|
 | |
| Administración | |
| Estau | |
| País |  Aragón
|
| Comarca | Sobrarbe |
| ' | |
| ' | |
| Cabecera | {{{cabecera}}} |
| Capital | |
| Localidaz | {{{localidatz}}} |
| Chentilicio | {{{chentilicio}}} |
| Cheolochía | |
| Acceso | |
| Ríos | La Larri |
| Largaria | |
| Orientación | Ueste-Este |
| Cheolochía | |
| Tipo | |
| Macizo | Pireneus |
| Mapa | |
  | |
A valle de la Larri ye una valle glacial penchada sobre a valle Verde, en os Pireneus, en a comarca de Sobrarbe, Aragón.
Cheolochía
[editar | modificar o codigo]Os glaciars foratiaron, en as cabeceras d'as valles, fondos circos glaciars de parez verticals, dando o suyo tipico modelau en forma d'artesa u d'U a tot o sector d'as valles ocupadas por as luengas glaciars. A la vegada, a excavación de circos glaciars y valles destruyió as cuerdas interfluvials, modeladas sobre os repuis d'as planas de cumbres, transformando-las en crenchas acutas. Amás sobreexcavoron chicotas cubetas embudiformes, as cuals en regalar-se o chelo, se convirtioron en ibons.
O suyo fondón ye plano, d'astí o nombre de planas de la Larri y o río de la Larri baixa lento, pero en plegar enta l'altaria de Pineta, caye en saltos d'augua, salvando o desnivel, ta desembocar en a Cinca. Dica fa bels milenios ista valle posiblement permaneixería inundada por un laco de considerable grandaria, formau porque un antigo glaciar depositó a morrena que se puet trobar en l'actualidat, y que o río s'encargó de foratiar posteriorment. A os dos cantos d'o barranco, veyemos que poco a poco ha erosionau bels pocos metros d'iste fondón plano, veyendo-se os depositos de chicotas piedras y arenas depositadas en l'antigo laco.
A o fundo s'alufran dos blancos picos: o pico de la Canal (2.768 m) y las Blancas de La Larri (2.902 m). Mas que mas iste zaguero presenta ista color porque ye formau por calsineras (con nodulos de pedrenya adintro), pero no son as calsineras cretacias d'a resta d'o Parque Nacional d'Ordesa y d'as Tres Serols, sino que istas son muito mas antigas (d'a Era Primaria: Devonián) y son metamorficas, habendo-se transformau mientres ixe proceso de metamorfización en marbres.
Toponimia
[editar | modificar o codigo]O nombre d'ista val ye probablement relacionau con o basco (H)ARRI, que significa «penya, roca, crencha», debiu a que bi ha dica tres picos en a zona con iste mesmo nombre. A L- inicial podría explicar-se por estar l'articlo determinau, por o que significaría literalment "la penya". Un atra posible interpretación ye tamién a traviés d'o basco LARRE «pastizal».[1]
Referencias
[editar | modificar o codigo]- ↑ (es) "El euskera en el Alto Aragón". Gartzen Lacasta Estaun. Cuadernos de Sección. Hizkuntza eta Literatura 12. (1994) p. 141-278, ISSN 0212-3223, Sant Sabastián: Eusko Ikaskuntza
Bibliografía
[editar | modificar o codigo]- (es) "Ecoguía del Parque Nacional de Ordesa y Monte Perdido". J. Guerrero, Zaragoza:JGC, 2007, ISBN 978-84-611-7713-4
- (es) "Espacios Naturales Protegidos, Aragón", Departamento de Agricultura y Medio Ambiente, Gubierno d'Aragón, Zaragoza: Deputación Cheneral d'Aragón, 1996, Deposito Legal: Z-115-96
