Turbera (meteorolochía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Turbera en Canadá.

Turbera, turbios, usín u osín ye un fenomeno meteorolochico en o que o viento levanta a nieu d'o terreno, que puede plegar dimpués a formar conchestras en unatro puesto.

Etimolochía

As formas usín, osín son propias de l'aragonés occidental y presentan formas pareixidas en basco. En cheso s'ha formau a variant ausín dezaga de l'articlo l'. Antiparte, se documentan en como part d'o substrato lingüistico navarro-aragonés en Navarra y Cinco Villas.

A forma turbera se distribuye sobre tot por l'aragonés oriental, encara que tamién pueda documentar-se como part d'o substrato lingüistico aragonés en o castellano d'Aragón en zonas d'o nord-este. Se documenta a variant turbiera en l'aragonés d'o Viello Sobrarbe. En atras zonas de Sobrarbe se documenta turbios en plural, y en belsetán turbisca . En tot caso estas formas provienen d'o latín TURBO ("revolvín"), con sufixos como -era u -isca.

Turberas como risgo meteorolochico

A turbera se caracteriza por vientos violentos y poca visibilidat.

Bi ha un tipo de turbera gran que representa tot un risgo meteorolochico si a fuerza de l'aire ye superior a los 56 km/h y as temperaturas inferiors a los -12 °C. En estas condicions, a nieu que mueve o viento reduce de tot a visibilidat y talla as carreteras. Este tipo de situacions se presentan como eixemplos d'uso d'a parola turbera en o "Diccionario del Benasqués" de Ballarín:

Les turberes no y dixen vere y ufeguen

Al Puerto les turberes son mol pellgroses

Referencias

• Datos: Q205418
• Multimedia: Blizzards / Q205418