The Pianist (cinta de 2002)

Iste articlo ye sobre una cinta de drama biografico belico de producción europea de l'anyo 2002; ta atros usos, se veiga The Pianist.

The Pianist
Títol	The Pianist
Póster d'a cinta.
Ficha tecnica
Dirección	Roman Polanski
Dirección artistica	Nenad Pecur
Producción	Roman Polanski Robert Benmussa Alain Sarde
Guión adaptau	Roman Polanski
Basau en	Śmierć Miasta. Pamiętniki Władysława Szpilmana 1939–1945, memorias de Władysław Szpilman
Musica	Wojciech Kilar
Soniu	Jean-Marie Blondel
Fotografía	Paweł Edelman
Montache	Hervé de Luze
Escenografía	Allan Starski
Vestuario	Anna B. Sheppard
Actors	Adrien Brody Thomas Kretschmann Frank Finlay Maureen Lipman Emilia Fox Ed Stoppard Julia Rayner Jessica Kate Meyer
Datos y cifras
País(es)	Francia Alemanya Polonia Reino Uniu
Anyo	2002
Debantadera	24 de mayo de 2002 Festival Internacional de Cine de Canas (Canas, Francia)
Chenero(s)	Cine biografico Cine de drama Cine belico
Durada	150 min.
Idioma(s)	Anglés Alemán Francés Ruso
Companyías
Productora(s)	Canal+ Studio Babelsberg StudioCanal
Distribución	BAC Films Tobis StudioCanal Syrena Entertainment Group Pathé Distribution
Presupuesto	35 millons de dólars
Recauto	120,1 millons de dólars
Informacions en bases de datos especializadas:

The Pianist (títol orichinal en anglés, en aragonés O pianista, enguerada en Aragón con o suyo títol traduciu enta lo castellano de El pianista) ye una cinta de drama biografico belico de l'anyo 2002 de coproducción franco-chermano-polaco-britanica dirichida por Roman Polanski seguntes o suyo propio guión adaptau basau en Śmierć Miasta. Pamiętniki Władysława Szpilmana 1939–1945, as memorias d'o pianista y compositor polaco Władysław Szpilman. Con una Banda Sonora Orichinal de Wojciech Kilar, una dirección de fotografía de Paweł Edelman y una producción cinematografica de Roman Polanski, Robert Benmussa y Alain Sarde ta las productoras Canal+, Studio Babelsberg y StudioCanal, en l'elenco d'a cinta trobamos en os suyos papels principals a actors como Adrien Brody, Thomas Kretschmann, Frank Finlay, Maureen Lipman, Emilia Fox, Ed Stoppard, Julia Rayner u Jessica Kate Meyer.

The Pianist se centra en a vida d'o pianista y compositor polaco Władysław Szpilman a traviés d'as suyas memorias publicadas en 1946 con o títol de Śmierć Miasta. Pamiętniki Władysława Szpilmana 1939–1945 y conta la suya experiencia en Varsovia mientres a Segunda Guerra Mundial dende l'anyo 1939 con a invasión de Polonia por o Tercer Reich dica la redota d'o nazismo. En estar chodigo, Szpilman se trobó internau en o ghetto de Varsovia y consiguó salvar-se de miraglo d'a deportación enta lo campo d'exterminio de Treblinka (a on morió toda la suya familia), tenendo que amagar-se dende alavez en Varsovia, a on vivió la sublevación d'o ghetto de Varsovia en 1943 y la insurrección de Varsovia en 1944 dica la liberación d'a ciudat por l'Exercito Royo en chinero de 1945. A cinta se rodó en o Babelsberg Film Studio en o barrio de Babelsberg, en Potsdam y en Berlín (Brandemburgo, Alemanya) y en o barrio de Praga-Północ en Varsovia (Polonia), y se tracta d'una cinta que recibió muitos premios y nominacions, podendo-se destacar: Palma d'Oro en a 55^ena edición d'o Festival Internacional de Cine de Canas, 3 Premios Oscar y 4 nominacions en a suya 75^ena edición, 7 Premios César en a suya 28^ena edición, 2 Premios BAFTA en a suya 58^ena edición y un Premio Goya en a suya 17^ena edición.

Elenco

Actor	Papel	Notas
[[]]	'

Se veiga tamién

• Cine en 2002.
• Cintas de 2002.

Vinclos externos

• (en) The Pianist en Internet Movie Database.
• (en) The Pianist en Box Office Mojo.
• (en) The Pianist en Rotten Tomatoes.
• (en) The Pianist en Metacritic.
• (es) The Pianist en FilmAffinity.
• (fr) The Pianist en Allociné.
• (en) The Pianist en Letterboxd.