Premios Goya

Os Premios Goya, tamién conoixitos como Premios Anuals de l'Academia, son un conchunto de premios cinematograficos conceditos cada anyada por l'Academia d'as Artes y as Sciencias Cinematograficas d'Espanya, con a finalidat de premiar a os millors profesionals en cadagún d'as especialitatz d'o cine espanyol. Como reconoixencia s'entrega un busto de Goya conoixito popularment como capezón.

A ceremonia d'entrega tiene puesto a zaguers de chinero u a primers de febrero y sigue o mesmo formato que a ceremonia d'entrega d'os premios Oscar. A primera ceremonia tenió puesto en 1987 en o Teatro Lope de Vega de Madrit. Dende alavez os premios s'entregan en o Palacio de Congresos de Madrit, fueras de l'anyo 2000 en o qual se facioron en l'Auditorio de Barcelona y en l'anyo 2011 en o Teatro Real. As peliculas que pueden optar a lo galardón son totas as espanyolas engueradas entre l'1 d'aviento de l'anyo anterior y o 30 de noviembre de l'anyo en que se conceden.

Categorías

Millor Cinta (dende 1986) Millor Dirección (dende 1986) Millor Dirección Novel (dende 1989) Millor Guion Orichinal (dende 1988) Millor Guion Adaptau (dende 1988) Millor Actor (dende 1986) Millor Actriz (dende 1986) Millor Actor de Reparto (dende 1986) Millor Actriz de Repartoo (dende 1986) Millor Actor Revelación (dende 1994) Millor Actriz Revelación (dende 1994)

Millor Musica Orichinal (dende 1986) Millor Canta Orichinal (dende 2000) Millor Fotografia (dende 1986) Millor Montache (dende 1986) Millor Soniu (dende 1986) Millor Dirección Artistica (dende 1986) Millor Disenyo de Vestuario (dende 1986) Millor Maquillache y Peluquería (dende 1986) Millors Efectos Especials (dende 1987) Millor Dirección de Producción (dende 1987)

Millor Cinta d'Animación (dende 1989) Millor Cinta Documental (dende 2001) Millor Cinta Iberoamericana (dende 1986) Millor Cinta Europea (dende 1992) Millor Cortometrache de Ficción (dende 1989) Millor Cortometrache d'Animación (dende 1994) Millor Cortometrache Documental (dende 1993) Goya d'Honor (dende 1986)

Vinclos externos

• Se veigan as imachens de Commons sobre os Premios Goya.
• (es) Sitio web oficial d'os Premios Goya.
• (es) Sitio web oficial de l'Academia d'as Artes y as Sciencias Cinematograficas d'Espanya.