Ternasco

Ternasco
Garra de ternasco con Denominación d'Orichen
Orichen cheografico
Cocina:	Gastronomía aragonesa
Orichen:	Aragón
Se mincha en:	Aragón
Categoría:	Indicación Cheografica Protechida
Elaboración
Preparación:	Rustito con trunfas En chilindrón

O ternasco^[1] u tarnasco^[1] ye o nombre con que se conoixe en Aragón a l'eixemplar choven d'o cordero que gosa tener cuan se sacrifica un peso en canal d'entre 8 y 12,5 kg.^[2]

Denominación d'orichen

O ternasco d'Aragón ye una carne con denominación especifica dende l'anyo 1989 cuan o Gubierno d'Aragón emparó ista certificación, estando dimpués ratificada en 1992.^[2] Dende 1996 ye amás reconoixiu en Europa como "Indicación Cheografica Protechida".

Existe un Consello Regulador que ye qui se mira de que a calidat d'a carne sía buena y que se cumplan as caracteristicas que s'han de dar ta que isto sía asinas. Amás o Consello Regulador define os identificativos exclusivos que nomás a carne con Indicación Cheografica Protechida certificada puet levar.

Ta que un ternasco tienga a Indicación Cheografica Protechida ha d'estar d'una d'as siguients razas d'o país: rasa aragonesa, fardosca, roya bilbilitana, ansotana y maellana. Os corders s'han d'alimentar nomás con leit materna y cerials naturals dende a suya naixencia dende l'inte en que son sacrificaus con un peso en canal permitiu d'entre 8 y 12,5 kg.