Teixiu adiposo
O teixiu adiposo ye un teixiu conectivo formau por unas celulas especializadas en acumular lipidos, os adipocitos. Os lipidos acumulaus fan de reserva enerchetica, pero devez pueden fer d'aislant termico y mecanico, protechendo u sostenendo organos internos.
As celulas d'o teixiu adiposo son de forma esferica y presentan vesiclas que se pueden plenar de lipidos. En a matriz extracelular bi ha fibras de colacheno y d'elastina.
En a especie humana se troba debaixo d'a piel fendo d'aislant termico (paniculo adiposo) y embolicando os rinyons y o corazón fendo de protector mecanico. Forma o miollo osio amariello en os uesos luengos.
Denominacions[editar | modificar o codigo]
En aragonés este teixiu puet recibir as denominacions de graixa,[1] grasa, graso,[2] greix[3], grasera[4]. Manimenos Ballarín da como significau de greixera[5] "abundancia de graixa", en un eixemplo que manimenos fa referencia a teixiu adiposo (Tenibe una greixera que le cubribe els rinyons).
Bi ha alimentos que consisten en o teixiu adiposo tallau tarcual (blanco, sebo), u derivaus d'o teixiu adiposo poco tractau (redetiu). Deseparar a grasera d'a carne se diz en chistabín espechicar.[6]
Tipos de teixiu adiposo[editar | modificar o codigo]
Lo teixiu adiposo blanco ye formau por adipocitos de mida gran con una sola gota de grasa en lo citoplasma. Forma lo paniculo adiposo baixo la piel.
Lo teixiu adiposo pardo ye formau por adipocitos de mida chica con muitas gotas de grasa y mitocondrias en lo citoplasma. Tiene como función la termochenesi.
Referencias[editar | modificar o codigo]
- ↑ (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edicions + Institución Fernando el Católico + Diputación de Zaragoza; Zaragoza 2007. ISBN 978-84-8094-060-3
- ↑ (es) Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008.
- ↑ (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
- ↑ (es) Brian Mott: El Habla de Gistain Instituto de Estudios Altoaragoneses, 1989, pp 205
- ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978, p 219
- ↑ (es) Brian Mott: El Habla de Gistain Instituto de Estudios Altoaragoneses, 1989, p 205-205
Bibliografía[editar | modificar o codigo]
- (es) Tracy Storer, Robert Usinger: Zoología general. Ediciones omega, S.A. 1061
- (es) C.P.J.Hickman: Principios Integrales De Zoologia - 10ª Ed. McGraw-Hill. 1998.
- (es) Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología Bruño, 2008.
- (es) MACÍAS RODRÍGUEZ, Domingo, AYUSO GARCÍA, Manuel, GUTIÉRREZ CALDERÓN, María Francisca: Anatomía aplicada. Anaya, 2017.