Sebo

De Biquipedia
Ir a la navegación Ir a la búsqueda
Sebo de vetiello.

Lo Sebo u seu ye una grasa animal en estato solido,[1] especialment de vaca, ovella u craba[2](remugadors), por eixemplo lo teixito adiposo de la lomera que proteche a los rinyons.

Usos actuals[editar | editar código]

En la Val de Benás feban un pan de seu salau pa condimentar las trunfas bullidas.[3]

En la Val de Chistau fan con sebo d'ovella u craba u ensundia de tocín unas "bolas de sebo", que dimpués se pueden fer servir pa fer "sopas de sebo" calients y instantanias en os puestos a on se treballaba con o bestiar suelto.[4]

Mencions en fuents aragonesas[editar | editar código]

En la Edat Meya feban velas con sebo derretiu, y ya apareixe la parola sebo como elemento aragonés en un texto de 1169 escrito en latín medieval:[5]

I medellata de seuo per illuminare predicta lampada

Encara se nombra lo sebo pa fer velas en aragonés medieval en textos comercials de primers de lo sieglo XV provinients de Uesca:

Sevo por regalar ha XXXVI livras et regalado XXX livras, et paga el vendedor de correduras mialla por rova et el comprador otra mialla et mialla de hostalage. / Candelas de sevo ha en la rova XXX livras, paga el vendedor de correduras mialla por rova et el comprador otra mialla.[6]

Veyer tamién[editar | editar código]

Referencias[editar | editar código]

  1. (es) María Luisa Arnal Purroy: Diccionario del habla de la Baja Ribagorza Occidental Gara d'edicions, 2003
  2. (an) Francho Nagore et al.: Endize de bocables de l'aragonés. Instituto de Estudios Altoaragoneses, Uesca 1999.
  3. (es) Francho Nagore et al.: Endize de bocables de l'aragonés. Instituto de Estudios Altoaragoneses, Uesca 1999.
  4. (es) Eugenio Monesma: Las bolas de sebo. Vida rural, nº 55, 15 de noviembre de 1997. pp 76-77
  5. (es) María Rosa Fort Cañellas: Léxico romance en documentos medievales aragoneses: siglos XI y XII. Gobierno de Aragón, Departamento de Educación y Cultura, 1994, p 155
  6. (es) María Isabel Falcón Pérez: Comercio y comerciantes en Huesca a principios del siglo XV Aragón en la Edad Media, ISSN 0213-2486, Nº 9, 1991 , pp. 243-268 [1]