Colacheno

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Fibras de colacheno de tipo I provinients d'un teixito pulmonar de mamifero, observatas con microscopio electronico.

O colacheno ye una familia de proteínas fibrosas que se troban en a matriz d'os teixitos conchuntivos d'os animals. Estas proteínas tienen como función conferir a los teixitos una resistencia mecanica a la tibata.

Ye una d'as proteínas més abundants en l'organismo humán y ye secretata por as celulas d'os teixitos conchuntivos. Poseye un peso molecular de 300 kDa. Contrariament a la elastina present tamién en os teixitos conchuntivos, o colacheno ye inextensible quan en tiban y resiste bien a tracción. Bi n'ha de diferents clases seguntes l'organo. Ye especialment indispensable en os procesos de cicatrización.

Dende un punto de vista industrial y economico, s'ha de dicir que o colacheno ye a materia prima pa fabricar chelatina.