Sofuentes

Sofuentes
Entidat local menor d'Aragón
Entidat  • País  • Provincia  • Comarca  • Municipio	Entidat local menor Aragón  Zaragoza Cinco Villas Sos d'o Rei Catolico
Población  • Total	94 hab. (2006)
Altaria	594 m.
Distancia  • 120 km	enta Zaragoza
Codigo postal	50680
Coordenatas	42°25’56’’N 1°19’ 8’’U
Sofuentes Situación de Sofuentes en Aragón

Sofuentes ye un lugar aragonés en o municipio de Sos d'o Rei Catolico, comarca de Cinco Villas, partito chudicial d'Exeya d'os Caballers y provincia de Zaragoza.

A suya población ye de 94 habitants (2006).

Cheografía

Sofuentes ye situato en a parte sur d'o termin municipal de Sos d'o Rei Catolico, en a cuenca hidrografica d'o río Arba, afluyent d'o río Ebro, y no pas d'o río Onsella, afluyent d'o río Aragón, como a mayor parte d'o termin de Sos.

Ye a 594 metros d'altaria sobre o ran d'a mar, a una distancia de 120 km d'a ciudat de Zaragoza, a capital d'a suya provincia y d'Aragón.

Historia

O territorio de Sofuentes estió un territorio con una muit intensa romanización, y se i troban muitos restos arqueolochicos d'o Imperio Román, estando a mas amanata a una d'as vías romanas de Zaragoza enta Pamplona y a os importants restos romanos en Sadaba y Uncastiello.

Bi ha repuis d'una antiga torre d'o sieglo XIV, encara que ye fácil que bi hese bellas torres de guaita ta cosirar os camins ta Sos, a Val d'Onsella y l'interior d'o primitivo reino d'Aragón, fendo parte asinas d'as obras esfensivas de Sos en una d'as vías d'acceso dende Sadaba y Castiliscar.

Ye fácil que a población de Sofuentes, que dende a suya creyación medieval estió un lugar que dependeba de Sos, se i establise en ista parte d'o termin de Sos ta poder labrar millor os suyos campos, en estar separata de Sos por as altarias d'a Sierra de Sos.

Molimentos

• Ermita de Nuestra Sinyora de Serún, una ermita en estilo romanico.