Sant Isteban de Litera

Sant Isteban de Litera Sant Esteve de Llitera
Municipio d'Aragón
Entidat  • País  • Provincia  • Comarca	Municipio Aragón  Uesca A Litera
Superficie	72,15 km²
Población  • Total	562 hab. (2005)
Altaria	420 m.
Distancia  • 85 km	enta Uesca
Codigo postal	22512
Parroquial  • Diocesi  •Arciprestato	Bp. de Balbastro-Monzón A Litera
Coordenatas	41°54’21’’N 0°19’26’’E
Sant Isteban de Litera Situación de Sant Isteban de Litera en Aragón

Sant Isteban de Litera (Sant Esteban de Litera en castellán; Sant Esteve de Llitera en catalán) ye un municipio d'a provincia de Uesca, situato en a comarca d'A Litera. A suya población ye de 562 habitants, en una superficie de 72,15 km² y una densidat de 7,79 hab/km².

Toponimia

En catalán ye en lo oficial Sant Esteve de Llitera. En a pronunciación local ye Santistebe de LliterE, porque la -A final atona se pronuncia -E ubierta en bells puntos d'o catalán nordoccidental. En aragonés medieval s'escribe quasi siempre Sant Stevan de Litera.

En aragonés se refieren a este lugar sin l'apelativo, como veyemos en uns versos de 1920 en una parla de transición de Ribagorza Baixa adintro de lo texto matracadas referiu a lugars de la redolada de Graus:

Catedrático de pirma / te nombro de Santistebe / no pillarás mal destino. / anand a tocar a'l café / a'l teatro y a'l casino.

Parla

Encara que siga en A Litera, a parla de Sant Isteban ye més pareixita a las parlas catalanas d'a Baixa Ribagorza central, que fan de transición ta l'aragonés d'a cuenca baixa de l'Esera.

La A final atona se pronuncia como una "e" ubierta atona, egual que en muitos puntos d'o catalán nordoccidental: o Segrián, a Noguera, Les Garrigues, Fraga, Torrent de Cinca, Castanesa, Maella y Gandesa. D'esta traza casa se pronuncia casE, pero en plural ye casas en Sant Isteban de Litera, mientres que en ixos atros puntos ye cases con "e" zarrata como en os puntos d'o catalán nordoccidental on se conserva a -a final atona.

A c, ç d'o catalán cheneral se pronuncia interdental egual que en aragonés, castellán d'o norte y centro, feito que en catalán se retroba en as parlas d'o Guadalop-Mezquín.

A diferencia d'as parlas d'o Guadalop-Mezquín y d'o benasqués, pero a l'egual que l'aragonés cheneral y bellas parlas catalanas baixorribagorzanas como a parla de Zanui, a terminación -ts en os plurals de parabras rematatas en -t se prenuncia interdental (foraz, denz, deminutibo -et con plural en -ez, etz...).

Os plurals femenins de parabras rematatas en -a son en -as como en aragonés cheneral y no -es como en catalán cheneral y alto benasqués.

Bi ha parabras, en especial fitonimos, rematatos en -o: chonco, tardano, marrueco y tozuelo. Os fitonimos servero, niezpolero contrastan con /romé/ y atros fitonimos prenunciatos d'alcuerdo con a fonetica catalana.

Bi ha casos de diftongación de "e" y "o" curtas latinas que pueden representar una introducción d'aragonesismos foneticos por tener tamién o final: mielquE, niezpole, niezpolero, tozuelo, marrueco.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									6
Partido Popular									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Fernando Sabés Turmo	Partido de los Socialistas de Aragón

Veyer tamién

• Lista de municipios de Uesca

Bibliografía

• Antonio Viudas Camarasa: Léxico de La Litera (Huesca). El reino vegetal, los animales y el hombre. Cáceres. Instituto de Estudios Altoaragoneses (Huesca). 1983, 130pp.

Lugars d'o municipio de Sant Isteban de Litera
Rocafort | Sant Isteban de Litera