Salduie

De Biquipedia
Ir a la navegación Ir a la búsqueda

Salduie yera una ciudat ibera d'o pueblo prerromano d'os sedetans que se trobaba en o puesto de l'actual Zaragoza en a buega d'os tres grans ambitos culturals d'a Peninsula Iberica en l'Antigüedat: l'iberico, lo indoeuropeu (los celtibers) y los vascons.

Toponimia[editar | editar código]

Existen bellas teorías pa explicar lo significau d'o nombre de Salduie (que lo cronista Plinio o Viello transcribió en latín como Salduvia u Salduba):

  • Que lo suyo nombre procede de Sald(i)-uba d'o basco zaldi (caballo) asinas o suyo significau sería "ribera de caballos".[1]
  • Que lo suyo nombre procede d'o basco sail (tierra cautivable). [2]
  • que lo suyo nombre procede d'o basco saldoa (ovellada u crabada) y d'o basco ubera (vado). [3]

Historia[editar | editar código]

A redolada ya yera habitada en a Edat de Bronze (600 aC). En a Edat de Fierro i heba un poblau d'una hectaria arredol d'a carrera Palafox. Yera composau per casas de planta quadrangular, con calcil de piedra y paretons d'adoba.[4]

Existió en a redolada un poblamiento disperso con quantos chiquetz nuclios habitaus estando un d'ells en o sieglo II aC a simient d'a ciudat clamada Salduie.[5]

Recreación d'una casa iberica en o Museu de Prehistoria de Valencia

En a Segunda Edat de Fierro s'ha calculau que Salduie cubriba ya 10 hectarias en o sector nororiental d'o casco historico.[6]

En 206 aC os ilerchetz atacoron a los sedetans (que yeran aliatos de Roma concaraus con Cartago) lo que provocó que las lechions romanas atacasen a los ilerchetz a los quals redotoron dimpués d'una cruenta baralla de dos diyas de durada que costó a los romans 1200 muertos y 3000 ferius.[7]

Manimenos, poco dimpués os sedetans se devantoron en armas contra los romans. Asinas, en 195 aC, o pretor Marco Porcio Catón safocó las revueltas ibericas y deixó guarnimientos romanos en as ciudatz mas importants d'a rechión, dentre ellas Salduie.[8]

En o sieglo I aC yera ya fuertement romanizada como amuestran las restas trobadas en l'actual carrera Don Juan de Aragón, n°9, en a clamada Casa d'o Triclinio. [9]

En 91 aC o clamau Escuadrón Salluitano (en latín Turma Salluitana), composau per 30 chinetz de Salduie y la suya redolada, estió premiau per la suya actuación en o setio de Asculum (en l'actualidat Ascoli Piceno, Italia) como caballería auxiliar de l'exercito romano. [10]

Bronze d'Ascoli an charran d'a Turma Salluitana

En 87 aC o Senau d'a cercana ciudat celtibera de Contrebia Belaisca falló una sentencia enta favor de Salduie en un contencioso d'a ciudat vascona de Alaun (actual Alagón) a causa d'a construcción d'una ceiquia per parti d'a primera. [11]

En 14 aC se fundó la colonia romana con veterans d'as guerras cantabras clamada Colonia Caesar Augusta en a honor de l'emperador César Augusto. Yera una colonia mixta asinas que la ciudat iberica de Salduie quedó incorporada dentro d'o cinto d'a nueva colonia que con 60 hectarias ye lo mayor de Hispania. Asinas, bell autor han creyiu identificar a lo espacio situau dentre las carreras Méndez Nuñez, carrera Sant Chorche, carrera Sant Cristobal, carrera Universidat, plaza Sant Nicolau, carrera Sepulcro, carrera Bayeu y la carrera Santa Cruz como lo vago de l'antiga Salduie. [12]

Monedas[editar | editar código]

Salduie cudió monedas de bronze dende lo sieglo II aC seguindo lo modelo d'os ases romanos. Os ases teneban un peso meyo d'11,41 gramos y 2,5 cm de diametro. [13] Bellas monedas de bronze estioron cudidas con os siguients motivos:

As de Salduie - reverso

Se cudiaron tamién semiases que teneban lo mesmo anverso pero en o reverso heba representau un caballo, no un chinet con palma.

Sinificato[editar | editar código]

Seguntes diversos autors a representación d'o reverso se identifica con o simbolo d'a victoria [14] mientres que los dalfins son simbolos relichiosos de protección. [15] Atros autors creyen que la cabeza ye una representación de Melkart/Herakles u l'antropomorfización d'una divinidat d'un río [16] y lo chinet ye una imachen d'o heroi fundador d'a ciudat. [17]

Restas[editar | editar código]

  • Quantas monedas.
  • Un trango de muralla de 34 metros de largaria en a carrera Sepulcro n°15.

Referencias[editar | editar código]

  1. (es) Mikel Urkola: Algunos datos de toponimia Preindoeuropea, ARSE, n°44, 2010, p.53
  2. (ca) Antoni Jaquemot Ballarin: Proposta de noms iberics. Comparació del substrat amb l'epigrafía ibérica trobada fins ara, p.25
  3. (es) Almudena Domínguez Arranz: Las cecas ibéricas del valle del Ebro, Institución Fernando el Católico, 1979, p.235
  4. (es) José Antonio Hernández Vera y Julio Núnez Marcén: La ordenación del espacio de la Zaragoza Prerromana y Romana, Salduie n°1, 2000, p.182
  5. (es) Francisco Pina: De la ciudad indígena Salduie-Saluvia a la colonia romana Caesar Augusta, Gerión n°35, 2017, ISSN 0213-0181, p.545
  6. (es) José Antonio Hernández Vera y Julio Núnez Marcén: La ordenación del espacio de la Zaragoza Prerromana y Romana, Salduie n°1, 2000, p.184
  7. (es) Guillermo Fatás Cabeza y Miguel Beltrán Lloris: Historia de Zaragoza: Vol. I: Salduie: ciudad ibérica, Ayuntamiento de Zaragoza, ISBN 84-8069-133-6, p.35
  8. (es) Joaquín Lostal Pros y Arturo Ansón Navarro: Historia de cuatro ciudades, Ayuntamiento de Zaragoza, 2001, ISBN 84-8069-225-1, p.15
  9. (es) Joaquín Lostal Pros y Arturo Ansón Navarro: Historia de cuatro ciudades, Ayuntamiento de Zaragoza, 2001, ISBN 84-8069-225-1, p.21
  10. (es) Galve, M. P. , 2011: Salduie, ciudad ibérica, I.Aguilera y J.L. Ona: Delimitación Comarcal de Zaragoza, p.86
  11. (es) José Carlos Abadía Donaque: Algunos comentarios sobre el abastecimiento de agua a Caesar Augusta, p.7
  12. (es) Antonio Ubieto Arteta: Una nueva lectura del plano de la Cesaraugusta romana, 1982, p.105
  13. (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.149
  14. (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.216
  15. (es) Almudena Domínguez Arranz:Las cecas ibéricas del valle del Ebro,Institución Fernando el Católico,1979,p.221
  16. (es) Alberto Aguilera Hernández: Imágenes para una nueva Roma:iconografía monetal de la colonia Caesar Augusta en el periodo julio-claudio,Universitat de Zaragoza,2015,ISSN 2254-7606, p.59
  17. (es) Alberto Aguilera Hernández: Imágenes para una nueva Roma:iconografía monetal de la colonia Caesar Augusta en el periodo julio-claudio,Universitat de Zaragoza,2015,ISSN 2254-7606, p.61