Contrebia Belaisca

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Contrebia Belaisca
Ciudat celtibera
Entidat
 • País
Ciudat
Celtiberia
Superficie
 • Total

20
Coordenadas 41°30’47’’N 1° 1’44’’U
Habitants Celtibers
Pueblo Belos
Actual Botorrita
Periodo Sieglos V-I ac

Contrebia Belaisca (u tamién nombrada Contebacom Bel.[1], en escritura iberica ) estió un oppidum celtibero, localizau en o Cabezo de las Minas de Botorrita, Zaragoza,

A existencia d'o poblau ye datada, por l'arqueolochía, dende o sieglo V aC a meyaus d'o sieglo I aC. Fue setiada, presa y toz os suyos habitants masacraus en a primera guerra celtibera por o procónsul Tiberio Sempronio Graco. Fue totalment destruyida dimpués d'a victoria de Chulio César sobre os pompeyans en Ilerda (Leida) en l'anyo 49 aC. Se i han trobau bolas de piedra de catapulta y contaba pa a suya esfensa con una fuesa y una doble muralla.

A campanyas d'excavaciones han amostrau un important conchunto arquitectonico en a parti superior d'o cabezo, se creye que con una función politico-relichiosa.

En iste poblau, dende a decada de 1970 s'han iu trobando una serie de planchas de bronze con inscripciones en luenga celtibera, os bronzes de Botorrita, que guarancian o nombre de Contrebia Belaisca u Balaisca. Francisco Villar y Carlos Jordán (2001) creyen que ditos bronzes serían un archivo d'o chuzgau d'una mena de districto churidico, equivalent a os conventos romanos. De feito apuntan a la posibilidat de que Contrebia Belaisca se pueda traducir a o latín como Conuentus Bellorum u "reunión d'os Belos u Bellos". Asinas Contrebia sería a cabeza de partido chudicial d'os Belos, pueblo celta.

Se veiga tamién[editar | modificar o codigo]

Referencias[editar | modificar o codigo]

Vinclos externos[editar | modificar o codigo]