Ir al contenido

Sociedad Deportiva Huesca

De Biquipedia
(Reendrezau dende SD Huesca)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
S.D. Huesca
Datos
Nombre oficial Sociedad Deportiva Huesca S. A. D.
Embotada(s) Oscenses (Uescanos), Azulgranas
Establito 31 de marzo de 1960
Socios 3.400
Propietario border Aragón Fundación Alcoraz
President border Aragón Manuel Torres (consellero delegau)
Dir. esportivo border Espanya Ángel Martín González
Instalacions
Nombre L'Alcoraz
Localidat Uesca
Aforo 9.100[1] espectadors
Devantad. 16 de chinero de 1972
Altras inst. IES Piramide
Zaguera temporada
Liga Segunda División
2021/22 13eno
Equipacions
Primera
equipación
Segunda
equipación
Tercera
equipación
Pachina oficial d'o club

A Sociedad Deportiva Huesca (Sociedat Esportiva Uesca en aragonés) ye un club de fútbol aragonés, d'a ciudat de Uesca. Fue establito en 1960 y chuga actualment en Segunda División. Tien 3.400 socios.

O club actual s'establió o 29 de marzo de 1960, dimpués de 4 anyadas sin garra equipo representativo d'a ciudat de Uesca. Manimenos, a S.D. Huesca ye o hereu d'una serie d'equipos que fuoron amaneixendo y dispareixendo consecutivament en o sieglo XX, con bels entrevalos entre éls, y que tienen en común sinyals d'identidat tan importants como a equipación azul y roya.

Huesca Fútbol Club

[editar | modificar o codigo]

O Huesca Fútbol Club naixió por as envueltas de 1910, estando Jorge Cajal o suyo primer president. Chugó en os Campos de la Estación y dimpués en os campos de La Cabañera y Villa Isabel (dende 1926). En 1922 s'inscribió en a Federación Aragonesa con un equipamiento azulgrana, por que beluns d'os suyos enfiladors yeran simpatizants d'o F.C. Barcelona.

Dimpués d'una politica ambiciosa, con l'achuste de chugadors importants, a Federación sancionó a o Huesca F.C en 1927 por l'alto pre d'os achustes y por una invasión de campo en un partiu contra o Zaragoza, conque se trancó o campo y finalment l'equipo fue forachitato d'a competición.

Club Deportivo Huesca

[editar | modificar o codigo]

Dos anyadas dimpués, en 1929, s'establió o Club Deportivo Huesca, que prencipió a chugar en a Tercera División, chugando en o campo de Villa Isabel. En a temporada 1932/33 l'equipo aconsiguió l'ascenso ta la Segunda División. En a temporada 1933/34, por problemas economicos y esportivos, se retiró o Club d'a competición, y estió sancionau por a Federación. Finalment o club despareixió a meyaus d'a decada d'os 1930.

Unión Deportiva Huesca

[editar | modificar o codigo]
Se veiga l'articlo: Unión Deportiva Huesca
Escudo d'a U. D. Huesca.

En 1941, una colla d'amigos establioron a Unión Deportiva Huesca. Dimpués de chugar en as categorías aragonesas, en o 1943/44 debutó en a Tercera División. En a temporada 1945/46, a U.D. Huesca deixó de chugar en o campo de Villa Isabel treslandado-se ta o nuevo San Jorge, con una cabida ta 2000 personas. En a temporada 1947/48, a U.D. Huesca ganó o suyo grupo d'a Tercera División chugando a fase d'ascenso ta la Segunda División, pero a la fin, no aconsiguió l'ascenso. Finalment l'equipo ascendió ta la segunda división en a temporada 1949/50 an que i remane por tres anyadas. En a suya primer partecipación (temporada 1950/51) o club obtiene a millor clasificación d'a historia de toz os clubs de Uesca, rematando a liga en 5eno puesto, nomás a 3 puntos de poder chugar a liguilla d'ascenso ta la Primera División. Entre 1953 y 1956, a U.D. Huesca tornó a chugar en a tercera división, anque ye amanau a tornar a puyar de categoría, pero a la fin o club se disuelve en 1956.

Sociedad Deportiva Huesca

[editar | modificar o codigo]

A S.D. Huesca s'estableixe o 20 de marzo de 1960, dimpués de 4 anyos sin garra equipo representativo d'a ciudat. O enfilador prencipal y primer president estió Patricio Funes. A primera temporada (1960/61), a S.D. Huesca chugó en a División Rechional Preferent y aconsiguió ixe mesmo anyo puyar ta la tercera división. O club chugaba, como ya heba feito a U.D. Huesca, en o campo de "San Jorge" dica que en 1972 se tresladó t'o campo actual: o estadio de l'Alcoraz. En as temporadas 1962/63, 1964/65, 1966/67 y 1967/68 a S.D. Huesca chugó a fase d'ascenso ta la segunda división (estando campiona d'o suyo grupo d'a tercera división en as dos zagueras), pero estió eliminau en todas ellas. Dende alavez os suyos resultaus se tornoron piors, pasando a luitar en as siguients temporadas por marrar o descenso, que a la fin se produció en a temporada 1972/73. En a temporada 1973/74 tornó a puyar ta la tercera división, y ixe mesmo anyo ganó a Copa d'Espanya d'Aficionaus chugando a final contra o Deportivo Aragón.

Dimpués d'una nueva fallita en a fase d'ascenso de 1975/76, a S.D. Huesca consiguió ascender Segunda División B en a temporada 1976/77 como resultau d'a restructuración d'a liga espanyola de fútbol, categoría an que melitó dica a temporada 1983/84. Dende alavez, ha alternau entre a Tercera División y a Segunda División B, chugando en esta zaguera as temporadas 1990/91 y 1991/92; 1995/96 y 1996/97; 2001/02; y dende 2004/05 dica 2007/08. Si cuasi todas as temporadas en segunda división B teneban l'obchectivo de no descender de categoría, en a temporada 2006/07, o club fa un cambio d'endrecera, esviellando-se a directiva, a plantilla (con a incorporación de chugadors d'a plantilla y atros provenients d'o Real Zaragoza). Baixo a endrecera esportiva de Manolo Villanova, a S.D. Huesca consigue por dos veces consecutivas partecipar en a fase d'ascenso a Segunda División (temporadas 2006/07 y 2007/08). Ista zaguera temporada a S.D. Huesca consigue por primer vegada l'ascenso ta la Segunda División estando cinco temporatas dica a 2012/13 que torna a baixar ta la Segunda División B.

Se fica, de tecnico, a l'aragonés Pablo Alfaro ta mirar de tornar ta Segunda División. Pasadas cinco chornadas de competición, con solament que cuatro puntos, Pablo Alfaro ye cesau y se cambea por David Amaral. En marzo, lo entrenador canario ye substituyiu por David Navarro, qui levaba a lo filial azulgrana en Tercera División. O club remata en setena posición. Ta la siguient temporada, o exchugador azulgrana Luis Helguera pasó a ocupar la endrecera esportiva y Luis García Tevenet vino procedent d'o Fútbol Club Cartagena ta exercer como nuevo entrenador. Se cambea la plantiella y solament que cinco chugadors continan de l'anterior campanya, reforzaus con varios chugadors de l'equipo chuvenil, sozcampión d'o grupo en l'anterior temporada. Se proclama, por primer vegada, campión d'o grupo en Segunda División B y desputa la promoción d'ascenso en primer puesto contra lo Nàstic de Tarragona. Pierden os oscenses y chungan contra o Racing de Ferrol y l'Huracán Valencia. Derrotan a l'Huracán 3-1 como resultau global y se proclaman equipo de Segunda División ta la temporada 2015/16.

En a temporada 2016/17 per primera vegada en a historia se clasifica seiseno y se gana una plaza pa chugar os playoff de ascenso a primera división, en l'anyo siguient aconsigue ascender a primera división con plaza directa de ascenso en estar segundo clasificau en a segunda división, torna a baixara segunda pa tornar a puyar l'anyo siguient y tornar a baixar en a temporada 2020/2021.

Equipación

[editar | modificar o codigo]
  • Primera Equipación: Camiseta azulgrana, pantalons azuls y calzas azulgranas.
  • Segunda Equipación: Camiseta con a cruz de Sant Chorche, pantalons y calzas blancas.
  • Tercera Equipación: Camiseta verde y blanca, pantalons verdes y calzas verdes.

Plantilla 2019/20

[editar | modificar o codigo]
"Fieles siempre, sin reblar" ye o lema d'a SD Huesca.
Ta plantillas d'anyos anteriors se veiga a lista de plantillas d'a Sociedad Deportiva Huesca
Num. Posición Chugador
1 POR Álvaro Fernández
2 ESF Miguelón
3 ESF Josué Sá
4 ESF Insua
5 MEY Mosquera
6 MEY Doukouré
7 MEY Ferreiro
8 MEY Eugeni
10 DEB Cristo
11 ESF Galán
12 DEB Okazaki
13 POR Rubén Yáñez
14 ESF Pulido (capitán)
Num. Posición Chugador
15 ESF Datković
16 ESF Luisinho
17 MEY Mikel Rico
18 MEY Sergio Gómez
19 ESF Pedro López
20 DEB Mboula
21 MEY Juan Carlos
23 MEY Raba
24 DEB Mir
25 MEY Nwakali
26 ESF Hermoso
30 POR Valera
Puerta 1 d'o estadio de l'Alcoraz en 2012, antis d'as remoledacions per Primera División.

Equipo tecnico:

A lista incluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bel país d'a Unión Europea:

Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 26 enta debant serán chugadors de l'equipo filial. Asinas, os chugadors con dorsals superiors a o 25 son, a toz os efectos, chugadors d'a Sociedad Deportiva Ejea y como tals, podrán compachinar partius con o primer y segundo equipo.

Articlo prencipal: Estadio de l'Alcoraz.

A Sociedat Deportiva Huesca tien a suya seu y chuga os partius como local en o estadio de l'Alcoraz, con una cabita de 7.638 personas, y que s'inauguró o 16 de chinero de 1972 en un partiu contra o Deportivo Aragón en a que a S.D. Huesca ganó por 2 a 1. Estió recientement reformato durant os anyos 2000 y 2010, de titularidat propia d'o club, y autofinanciatas ditas reformas. Autualmente o aspecto d'o estadio ye totalment moderno y en condicions adaptadas a la Liga Profesional de Fútbol. O encargado d'o mantenimiento d'a suya cubierta vegetal ye l'anterior portero d'a Sociedad Deportiva Jorge Larrosa.

Anyada División Posición Copa d'o Rei
1960/61 1ª Rech.
1961/62 11eno
1962/63
1963/64 4eno
1964/65
1965/66
1966/67
1967/68
1968/69 9eno
1969/70 5eno 1ª ronda
1970/71 13eno 2ª ronda
1971/72 12eno 3ª ronda
1972/73 13eno 1ª ronda
1973/74 Pref.
1974/75 16eno 3ª ronda
1975/76 1ª ronda
1976/77 8eno 2ª ronda
1977/78 2ª B 12eno 2ª ronda
1978/79 2ª B 13eno 2ª ronda
1979/80 2ª B 14eno 1ª ronda
1980/81 2ª B 17eno
Anyada División Posición Copa d'o Rei
1981/82 2ª B 16eno
1982/83 2ª B 12eno
1983/84 2ª B 19eno 1ª ronda
1984/85
1985/86 1ª ronda
1986/87 7eno 1ª ronda
1987/88 7eno
1988/89 4eno
1989/90
1990/91 2ª B 13eno 4ena ronda
1991/92 2ª B 18eno 3ª ronda
1992/93 2ª ronda
1993/94
1994/95
1995/96 2ª B 15eno 1ª ronda
1996/97 2ª B 16eno
1997/98 17eno
1998/99 5eno
1999/00
2000/01 4eno
2001/02 2ª B 19eno
Anyada División Posición Copa d'o Rei
2002/03
2003/04 4eno
2004/05 2ª B 10eno
2005/06 2ª B 16eno
2006/07 2ª B
2007/08 2ª B 2ª ronda
2008/09 11eno 2ª ronda
2009/10 13eno 3ª ronda
2010/11 14eno 3ª ronda
2011/12 13eno 3ª ronda
2012/13 21eno 3ª ronda
2013/14 2ª B 7eno 2ª ronda
2014/15 2ª B 1/16 de final
2015/16 12eno 1/16 de final
2016/17 6eno 1/16 de final
2017/18 2ª ronda
2018/19 19eno 1/16 de final
2019/20 2ª ronda
2020/21 18eno 2ª ronda
2021/22 13eno 2ª ronda
2022/23

Records d'o club

[editar | modificar o codigo]

Os datos son referitos a la competición de liga regular d'a Segunda División

  • Millor posición en a liga: 11eno (temporada 2008/09).
  • Pior posición en a liga: 21eno (temporada 2012/13).
  • Mayor goleyada consiguida:
    • En casa: S. D. Huesca 4-1 Rayo Vallecano (temporada 2011/12).
    • Difuera: C. D. Alcoyano 0-3 S. D. Huesca (temporada 2011/12).
  • Mayor goleyada encaxada:
    • En casa: S. D. Huesca 1-4 F. C. Barcelona "B" (temporada 2012/13).
    • Difuera: Real Madrid C. F. "B" 5-1 S. D. Huesca (temporada 2012/13).

Títols nacionals

[editar | modificar o codigo]

Títols rechionals

[editar | modificar o codigo]

Vinclos externos

[editar | modificar o codigo]
Oficials
Altros


Segunda División - Anyada 2023/24
Albacete BP | Burgos CF | CD Eldense | CD Leganés | CD Lugo | CD Mirandés | CD Tenerife | Elche CF | FC Andorra | FC Cartagena | Levante UD | Racing de Ferrol | RCD Espanyol | Racing de Santander | Real Oviedo | Real Sporting | Real Zaragoza | SD Amorebieta | SD Eibar | SD Huesca | UD Las Palmas | Villarreal B


Esporte d'elite en Aragón
Seleccions: Selección de baloncesto | Selección de handbol | Selección de fútbol
Atletismo: Simply - Scorpio 71 (masculín) | Simply - Scorpio 71 (femenín) | At. Intec-Zoiti | Hinaco Monzón
Baloncesto: Casademont Zaragoza | Casademont Zaragoza femenín | Peñas Huesca
Fútbol: Real Zaragoza | SD Huesca | Zaragoza CFF | CD Brea | CD Ebro | CD Teruel | Deportivo Aragón | SD Tarazona | Utebo FC
Fútbol americano: Zaragoza Hurricanes | Zaragoza Hornets | Zaragoza Dark Knights
Fútbol sala: Wanapix Sala-10 Zaragoza |Full Energía Zaragoza | Sala Zaragoza Femenino
Handbol: Bada Huesca
Hockey chelo: Club Hielo Jaca
Rugby: Fénix Rugby
Voleibol: Club Voleibol Teruel
Waterpolo: EW Zaragoza | Gersan Helios
  1. (es) Datos chenerals d'o club