Camiseta
Una camiseta[1][2][3][4][5] ye una camisa curta sin cuello, por un regular de punto que va dreitament sobre a piel. D'antis mas se portiaba nomás como pieza de ropa interior, feita de lana u cotón, y que en os zaguers anyos, debito a la influencia d'a cultura estausunidense arredol d'o mundo, s'ha popularizato como prenda exterior ta o verano, a sobén con debuixos de colors y mensaches diversos. Por analochía se fan servir os termins chambreta[1] u zamarreta[1] pa referir-se a ista prenda, encara que en o suyo orichen fan referencia a atro tipo de prendas.
En muitos esportes d'equipo, as colors d'a camiseta sirven ta distinguir a os chugadors. Os equipos gosan tener una color u colors distintivas, por eixemplo, blanco y azul ta o Real Zaragoza u azul y grana ta a SD Huesca. En bellas cursas ciclistas, o líder d'a preba portía una camiseta distintiva (por eixemplo, de color amariella en o Tour de Francia u de color rosa en o Giro d'Italia).
Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo VIII, Lamina 1.243, Mapa nº 1.049. el término usado en todas partes es camiseta
- ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.
- ↑ (es) María Luisa Arnal Purroy Diccionario del habla de la Baja Ribagorza Occidental, Gara d'Edizions, 2003. p 60.
- ↑ (an) Chuana Coscujuela: Continazión: 1922-1983: Continazión de a Narrazión Autobiografica a Lueca. Publicazións d'o Consello d'a Fabla Aragonesa, 1/1/1992. p 141
