Río Usía

De Biquipedia
Ir ta: navego, busca
Usía
Administración
País {{{país}}}
Municipios por a on pasa A Foradada d'o Toscar y a Fueva
Cheografía
Longaria 21 km
Altaria d'o naixedero ±1050 m
Naixedero Sierra d'o Campanué, as Cortz
Desembocadura Entibo de Mediano a man de o Lumo de Muro

O río Usía u barranco d'a Usía ye un río chicot u barranco d'o sud-este d'a comarca d'o Sobrarbe, en a Fueva, que ye afluent d'o río Cinca por a man cucha. Naixe en os arredols de o puerto de Foradada, en a baixant fovana d'a sierra d'o Campanué (anque a dintro d'o termin municipal de a Foradada d'o Toscar), no guaire luent d'as aldeyas de as Cortz y Ranyín, y desemboca en a Cinca en o entibo de Mediano, a man d'o Lumo de Muro y d'Arasanz.

Traviesa a cabecera d'a Fueva, que ye Tierrantona, y esnaviesa por a fondonada que ye a dita subcomarca, por terrenos de cantimplano en os que no i hai guaire inclinación, anque sin serpenteyar. Tiene gleras en qualques puntos, anque no ye un río guaire propenso a sufrir mayencos, y en a mayor parte d'o suyo recorrido no i hai si que tansas espuendas prou altas como ta contener-lo, presentando-se os campos a poqueta altaria por d'encima d'a glera.

Dende o Lumo de Muro, o río se torna a encaixonar en un congosto por os calcils d'a sierra de Muro de Roda en a man dreita, y d'a sierra de l'Entremont en a cucha, dica que se torna a obrir boca t'a val d'a Cinca a bell kilometro y meyo en sud d'Arasanz. A desembocadura se situaba a man de Mediano Viello, pero con a construcción de l'entibo en as zaguerías d'a decada de 1960, ixe endreto se cacegó mismo que Mediano, y en l'actualidat desemboca bells centenars de metros más t'alto (quan l'entibo ye altero, encara a dintro d'o congosto gosa desembocar).

Se veiga tamién[editar | editar código]


 
Ríos d'a cuenca hidrografica d'a Cinca
Marguin izquierda Barrosa · Cinqueta · Irués · Nata · Usía · O Salinar · Esera
Marguin dreita Yaga · Bellós · Ara · Susía · Vero · Alcanadre