Río Cinqueta de la Pez

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre el Cinqueta de la Pez. Pa atros emplegos d'el toponimo Cinqueta se veiga Cinqueta (desambigación) y pa La Pez se veiga Pez (desambigación).

Esta fuella ye escrita en chistabín.

Cinqueta de la Pez
El Cinqueta de la Pez en a val de Taberners.
Administración
Estaus	{{{estaus}}}
Territorios	Val de Chistau, Sobrarbe, Aragón
Cheografía
Longaria	km
Altaria d'o naixedero	{{{altaria}}} m
Naixedero	Circo d'el Puerto de la Pez, val alta de Taberners.
Desembocadura	Río Cinqueta, en Viadors
Superficie d'a cuenca	{{{cuenca}}} km²
Cabal meyano	{{{cabal}}} m³/s
Mapa
Cinqueta de la Pez en Aragón

El río Cinqueta de la Pez ye un río d'el Pireneu, un d'es dos afluents que forman el río Cinqueta en achuntando-se n'el sector que en dicen de Viadors, n'el termin municipal de Chistén (Sobrarbe, Uesca).

Naixe debaixo d'el puerto de la Pez, un d'es pasos tradicionals entre la val de Chistau y la val de Lurón, en Francia. La suya val, menor y subsidiaria de la de Chistau, se diz Taberners, igual como la valleta que ye colateral pe'l canto francés se diz val de la Pez. Este toponimo viene de que antes más se'n sacaba la pegunta u «pez», pos n'esta montanya se fa mutos pins negros con la tieda calient d'es quals se fa ixe producto.

Buegas

La val per aon corre la Cinqueta de la Pez, u val de Taberners, ye marcada per las buegas d'el puerto de la pez a'l norte, que son la punta d'es Guerréis y la punta de la Pez.

Dimpués, per la man dreta, la delimita la punta Baliner, la punta Culfreda Norte y la punta Cabalera dica que llega ta el puerto de la Madera. Per la sierra de la Picaruela en baixa ta el Montó.

Per la man izquierda dende el puerto de la Pez, la ralla se'n va per la cresta de Vachimala dica la punta Vachimala, la principal montanya que la desepara de la val d'Anyes Cruces.

Afluents

Per la dreta

El barranco de Baliner, el barranco de Culfreda y las canals de la Madera, que baixan d'es arredols d'este puerto. Tamién i hai el barranco de Culrueba, que baixa de la man pacina de la sierra de la Picaruela, y remata aon ye la cabana de Culrueba. Esta parte ye un vedau de pesca.

Per la izquierda

El barranco de l'Empriu u barranco de la Pez, que baixa de la partida que en dicen l'Empriu de la Pez, n'el costau norte de la punta de la Pez. Bien luego recibe tamién el barranco d'es Ibons, que baixa dende es ibons de Vachimala, y el barranco de Vachimala que baixa d'esta montanya.

Se veiga tamién

Datos: Q97484744